ناوی گۆرانی: مام ڕەحمان
ناوی گۆرانیبێژ: #جەمالی موفتی#
=KTML_Link_External_Begin=https://www.kurdipedia.org/docviewer.aspx?id=666819&document=0001.MP3=KTML_Link_External_Between=کلیک بکە بۆ بیستنی گۆرانی مام ڕەحمان=KTML_Link_External_End=
=KTML_Bold=تێکستی گۆرانی=KTML_End=
جەوانی ڕابرد بە ڕەنج و بە کار
بەرز و پیاوانە پەلکی سپیدار
بە ڕەنجی خۆی و ماڵ و خێزانی
ڕۆژ تا ئێوارێ، شەو تا بەیانی
دونیای کردبوو بە خۆشی و سێبەر
بەڵام بۆ ئاغا و بەگی چەوسێنەر
مام ڕەحمان پیری پێشمەرگەی ئازا
پەیگیر پڕکینە لە زاڵم ڕاسا
سێبەری ئەخست بەسەر هەژارا
چرایێ ڕووناک لە ڕێی جووتیارا
جەسارەتێ ڕوون* بەرانبەر زۆردار
بڕەی بڕبڕەی پشتی کرێکار
خۆی و منداڵ و هاوماڵەکانی
گشت بێبەری بوون لە ڕەنجی شانی
بۆیە وا هەستا و دەستی دایە داس
تا ژێرەوژوور بێ دەورەی حەقنەناس
هێندەی دادڕێ پەردەی فێڵی شا
دەوڵەت لێی ترسا و لە دێ دەر کرا
مام ڕەحمان پیری پێشمەرگەی ئازا
پەیگیر پڕکینە لە زاڵم ڕاسا
سێبەری ئەخست بەسەر هەژارا
چرایێ ڕووناک لە ڕێی جووتیارا
جەسارەتێ ڕوون* بەرانبەر زۆردار
بڕەی بڕبڕەی پشتی کرێکار
دەورە گۆڕاوە و شۆڕشە ئێستا
دەستی دایە چەک پێشەنگی فەلا
ئاگری خەبات لە نزیک و دوور
هەڵگیرسا و ڕاسان پێشمەرگەی جەسوور
کەرەفتوو و ساراڵ هەتا مەریوان
زاڵم زەلیل بوو بە دەست جووتیاران
مام ڕەحمان پیری پێشمەرگەی ئازا
پەیگیر پڕکینە لە زاڵم ڕاسا
سێبەری ئەخست بەسەر هەژارا
چرایێ ڕووناک لە ڕێی جووتیارا
جەسارەتێ ڕوون* بەرانبەر زۆردار
بڕەی بڕبڕەی پشتی کرێکار
سەر تا پای لەشیان کینەی زۆرداران
بە تووندی تیرێک دەرچێت لە کەوان
لەوپەڕی مەیدان بە گژیاندا چوون
لەگەڵ* ڕۆڵەکەی وەک شێر شەهید بوون
حەماسەیەک بوو مەرگی باب و کوڕ
خەڵکی ئەو دەورە خۆیان نایە قوڕ
مام ڕەحمان پیری پێشمەرگەی ئازا
پەیگیر پڕکینە لە زاڵم ڕاسا
سێبەری ئەخست بەسەر هەژارا
چرایێ ڕووناک لە ڕێی جووتیارا
جەسارەتێ ڕوون* بەرانبەر زۆردار
بڕەی بڕبڕەی پشتی کرێکار
هۆنراوە: #موسلیح شێخولئیسلامی#
*= لە هۆنراوەی شاعیردا ئەو بەشانەی بە شێوەی (ئازا و بە غیرەت) و (خۆی و) هاتووە. [1]