ناڤ: نەوزاد
ناسناڤ: بەندی
ناڤێ بابی: ئەحمەد حسێن
ساڵا ژدایکبوونێ: #03-10-1966#
جهێ ژدایکبوونێ: باژێڕێ #سلێمانی#
$ژیاننامە$
ناڤێ وی یێ تمامی نەوزاد ئەحمەد حسێن محەمەد #شەمێران# و بەرنیاس ب نەوزاد بەندییە، وەکە دبێژن محەمەدێ باپیرێ وی ب چەکێ بڕنەوێ فڕۆکەیەکە ئینگلیزی ئێخستییە خوارێ، لێ وی بخوە توو فروکەیەک نەئێخستییە خوار.
نەوزاد ڕێکەفتا 03-10-1966 ل باژێڕێ سلێمانی و ل تاخێ #سابوونکەران# ژدایک بوویە.
ساڵا 1984 ئێکەم هەڵبەستا خوە ل گۆڤارا کاروان یا ژماره 32 دا بەڵاڤ کرییە ب ناڤ و نیشانێ: بەرگی چیا.
ساڵا 2000 کورتە ڕۆمانەک لسەر ئەرکێ خوە چاپ کرییە ب ناڤ و نیشانێ (#نیشتمانێکی تر#) لێ توو کەسەکی هەیا نها نەخوەندییە.
ساڵا 2005 دووهەم پەرتووک لسەر ئەرکێ خوە چاپ کرییە، کۆمەڵە هەڵبەستا (#کە بووم بە خۆڵ#) بوو و ئەو ژی دیسان توو خوینەر نەبووینە، لەوما نڤیسەری ب ئێکجاری واز ل چاپکرنا پەرتووکان ئانییە.
ل بەڵاڤۆکێن وی هاوکاریی و کاروان و #ئاڵای ئازادی# و یەکگرتوو و جەماوەر و ئاسۆ و #کوردستانی نوێ# و گوڤارا شیعرستان و ئاییندە و گەلاوێژی نوێ و زانستی سەردەم و بەڵاڤۆکێن دن دە بەرهەمێن ئەدەبی و گوتارێن زانستی و سیاسی ئێن سەربەخوە هاتینە بەڵاڤ کرن.
نها ژی ل بەڵاڤۆکێن ئەلیکترۆنی ئێن دەنگی و گوتارێن کورد و ئاوێنە و کوردستان پۆست و خەلکیدا، جار ب جار بەرهەمێن ئەدەبی و مەعریفی ئێن وی دهێنە بەڵاڤ کرن.
خوەدی پێگەها (شەقامێک پڕ ل شیعر ) ل تۆڕا جڤاکییا فەیس بوکێ دایە.
ساڵا 1988 باوەڕنامەیا بەکالۆریۆس ل کۆلێژا زانست بەشا بایۆلۆجی ل زانینگەها سلێمانیێ بدەست خوەڤە ئانییە .
پتتر ل 30 ساڵانە ل بوارێ مایکرۆبایۆلۆجیدا، ل تاقیگەها تەندرووستی ئا سەر ب ڕێڤەبەرایەتییا تەندرووستیا سلێمانیێ، فەرمانبەرە . [1] [2]