کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و نەوەڎ و پەڼجەمە
* لەیلا زانا، خەڵاتو بنکەو پروفیسور تۆرلۆف – ڕامنتۆریش پەی مافو مروڤی وەرگېرت.
* سازنای کۊنفڕانسو تاریخو کورڎی جە لۊزان.
* ڕاپۊرتەو ساڵانەو مافو مروڤو شالیارگاو بەرو ئەمەریکای، تورکیاش پانەی تۊمەتبار کەرد: کە ڕەفتارېش چەنی کوردە جیاوازەکانی، گەلێ نامروڤانېنې، هەم پەکەکەیچش پانەی تۊمەتبارکەرد ک قېخێ و مامۊسێ دەگایەکاشان هەراسانې کەردېنې.
* کۊچی دمایینو هاشم نانەوازادەگانی شاعېری.
* ئەچی ساڵېنە زیاتەر جە (20) هەزار ئاوارې کورڎی بە مەڵامەتو هۊتەرەکانو داگیرکاری تورکی ڕوەشا نییا پانیشتو کورڎەسانی.
* تاریخو (00-01-1994ز.) ئەچی مانگېنە ئەندامێ پەرلەمانو تورکیای لوان پەی پانیشتو کورڎەسانی و جە هۆلېر وېش و هۊرگېڵنەکەشان کوشتېنې.
* تاریخو (00-01-1994ز.) داگیرکاری تورکی، شارو لیجەیش تۊپواران کەرد، کە بی بە مایې شەهیڎبییەی دەیان هاموەلاتیا و کاولکەرڎەی سەڎان یانا.
* تاریخو (00-01-1994ز.) هۊتەرې داگیرکاری تورکی پەی سەرو شارو جزیرەی ناوچەو جودی سەرنیشتو کورڎەسانی، کە بی بە مایې کاولکەرڎەی یانەو دەیان هاموەڵاتییە کوردا.
* تاریخو (00-01-1994ز.) جەلال تاڵەبانی، دلې گۊڤارەو ئەلوەسەتینە یاوناش، کە ئېران سەرچەمەو نائارامی کورڎەسانییەن.
* تاریخو (00-01-1994ز.) وەڵابییەیۆ ئا پاگەڼا کە ماچان: یەکیەتی نیشتیمانی کورڎەسانی و پارتو دیموکراتو کورڎەسانی گەرەکشانەن ببان بە بەک پارت و یۊبگېران.
* تاریخو (02-01-1994ز.) ئارۊ جە بەلجیکا، پېڕێ ترکې پەلامارەو چن کوردێشان دا، پۊلیسی بەلجیکی میانجیش کەردېنې و پۊلیسێ زامڎار بییەن، ئانە یەکەم جارەن دلې ئۆروپاینە ترک پەلامارەو کورڎی بڎۊن.
* تاریخو (02-01-1994ز.) ئېستەیۆ تەرمو ئەحمەڎ ئەسعەڎ ئیسماعیلی دلې یۊ جە جادەکانو شارو هۆلېری، کە دەسی چەپش جە لاشەکەیش کنیابێ، نامبریا ئەندامێ بزوتنەوەی ئیسلامی بې و چېرو دەسا یەکیەتی نیشتیمانی کورڎەسانی دیل بې.
* تاریخو (03-01-1994ز.) نیشتەرەی دەسەو سەرداری هەرېمو کورڎەسانی و وەفدو زانا موسوڵمانە ئېراقییەکانی، پەی ئارام کەرڎەیۆ بارو دۊخو کورڎەسانی و کۊتاییئاردەی ناکۊکیەکانو میانو یەکیەتی نیشتیمانی کورڎەسانی و بزوتنەوەی ئیسلامی.
* تاریخو (05-01-1994ز.) ئېران بانگچڕیش: کە ئەمەریکا و وەرکۆت ئیسرائیلێ دوەمشان دلې سەرنیشتو ئېراقینە (پانیشتو کورڎەسانی) وەش کەرڎەن.
* تاریخو (07-01-1994ز.) بۊمباواران کەرڎەی سنورو میانو ترکیا و سوریای، جە لاو باڵەپڕەکا ترکی، نزیک بە ڕۊخانەو هیزلی کە مەقەڕې پەکەکەیش چەنەبېنې.
* تاریخو (21-01-1994ز.) شارو جنێڤی، نیشتەرێ پەی هورسەنگنای کاروبارەکانو ڕېکوزیا مروییەکانو سەر بە نەتەوە یۊگېرتەکا، کە کۊمەکشان پېشکەشو گەلو ئېراقی و پانیشتو کورڎەسانی کەردېنە، سازیا. ئەچا نیشتەرەینە (119) کیانیێ سەر بە (26) دۆڵەتا بەشداریشان کەرد، شایانو باسین کە کیانیاو مەڵبەندو ڕۊشنویری کورڎی جە لەندەن بەشداریش دلې ئا نیشتەرەینە کەرد و نیشتەرەیەکە پیلانەو کارو دماڕۊ وېش جە ناوچەکەنە متەرە و بڕیارەو ئانەیچ دریا کە ئەڵمانیا پەی ئاسانکەرڎەی ڕېکوستەی هەرمانەکا، بنکێوە دلې شارو هۆلېری بکەرۊوە.
* تاریخو (22-01-1994ز.) تاکو (23-01-1994)، نیشتەرەکې کۊمیتەو سەرداری یەکیەتی نیشتیمانی کورڎەسانی، پەی متەرەی بەرنامەو کارو ساڵەو 1994.
* تاریخو (28-01-1994ز.) پەلامارەو بالەپڕەکانو ترکی، پەی سەرو ئوردوگاو زەڵێ، کە بنکەو پېشمەرگەکانو پەکەکەیش چەنەبې، ئەنجامەنە (22) کەسې دلې دەگایەکانو شێنێ شەهیڎې بیې و (7) پېشمەرگې پەکەکەیچ شەهیڎې بیې، بېجگە زامڎاربیەی (10) کەسا، یۊ جە باڵەپڕەکا کۆتەرەو دوې تەرېچشان پېکیێ.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]