کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و نەوەڎ و ششەمە
* تاریخو (00-02-1994ز.) جە پانیشتو کورڎەسانی ئیسلامیەکې ئەندامانو یەکیەتی نیشتیمانی کورڎەسانی مەکوشان و تاکو ئیسە (9) نۊ کەسېشان دلې شارو هۆلېرینە کوشتېنې و لووت و گۊشې تەرمەکاشا بڕیېنې. بە تاییبەتت ئانې کە دەسشان بییەن دلې جەڼگو میانو یەکیەتی نیشتیمانی کورڎەسانی و بزوتنەوەی ئیسلامینە. دلې شارو سلېمانیچ بە عەینو چېوی، چن کەسێ یەکیەتی ناخافڵەنە کوشیێنې.
* تاریخو (00-02-1994ز.) نیشتەرەی ئەمنستی ئەنتەرناشیوناڵی چەنی شېخ عوسمان عەبدولعەزیزی ڕابەرو بزوتنەوەی ئیسلامی، تاکو جە بارەو ڕەفتارا چەکدارەکانو بزوتنەوەی ئیسلامی پەی پاشېلکەرڎەی مافو مروڤی دلې کورڎەسانینە واتە و واچ بکەران.
* تاریخو (00-02-1994ز.) سازنای کۊنفرانسی زانستی کوردئەشناسی جە مۆسکۆ.
* تاریخو (00-02-1994ز.) ئەچی مانگېنە ئېران و سوریا و ترکیا خەریکې ڕېککۆتەنامێ بېنې دژو پانیشتو کورڎەسانی، پەی ئانەی ئا گرڎ حۆلا بار بەران کە پەی جیابییەیۆ کورڎەسانی جە ئېراقی مەدریان. دیارەن ئانەیچ بە هاندای و خولقەو ئېراقییەن، چوونکوم مەسڵەحەتو هیچ کامیشان چانەینە نەبې.
* تاریخو (00-02-1994ز.) یەکیەتی نیشتیمانی کوردەسان نیازش بې دلې پەرلەمانو کورڎەسانینە وېش بکېشۊوە تاکو پارتو دیموکراتو کورڎەسانی بە تاقی تەنیا پانیشتو کورڎەسانی بەرۊن ڕاوە، چوونکوم بارو پانیشتی فرە خرابەن و ئڼەش نەمەنەن ئا دوە پارتە بە هېزی چەکڎاری بماڵان یۊیرە.
* تاریخو (07-02-1994ز.) کۊمەڵەو هامکاری جە ئەڵمانیا، بەیانێش سەرو جەنگو براکوشی جە پانیشتو کورڎەسانی وەڵاکەردۆ.
* تاریخو (10-02-1994ز.) دکتور خەلیل ڕەشیدیان، مامۊساو جوغرافیاو زانکۊ دۆرهامی، وانێوەش جە بارەو وەرکۆتو کورڎەسانی جە ساوۆس پېشکەش کەرد.
* تاریخو (12-02-1994ز.) ئەڕفانای ئادەم زرار عوسمانی، دلې بازارو شارو هۆلېری، کە ئەندامێ بزوتنەوەی ئیسلامی بې.
* تاریخو (17-02-1994ز.) ئېستەیۆ تەرمو ئادەم زرار عوسمانی، سەرو یۊ جە جادەکا هۆلېری، پېسە ماچان یەکیەتی نیشتیمانی کورڎەسانی کوشتەن.
* تاریخو (24-02-1994ز.) سوبحی حەربی پارېزگارو حەسەکەی، بە وەرپەرسانو دامودەزگا سەرەکیەکان و ئەنجومەنو شارەوانی حەسەکەیش وات: کە تۊمارکەرڎەی نامې کوردیې پەی وەرچەمو دوکان و فابریکەکانی چەپەوانەو بڕیارەکانو شالیارگاو دلېنەو سوریاینې.
* تاریخو (24-02-1994ز.) داگیرکاری سوری، بە ڕەسمی نامې دەگایا و شارەکڵا و شار و ڕاوبانەکانو وەرنیشتو کورڎەسانیش بە عەرەبی کەردې.
* تاریخو (24-02-1994ز.) ڕۊنامەنویس کامەران قەراخی، وانێوەش بە نام و نیشانو نەشونماکې دلې کوردەسانو ئېراقینە و پېوەڼییەکې چەنی ترکیای جە ساوۆس پېشکەش کەرد.
* تاریخو (00-03-1994ز.) ئېراق، هېزێ فرەش ناوچەو موسڵی مۊڵدا و بە نیازبې هۊتەرە بکەرۊن سەرو زاخۊی و سەدامیچ سەرو تەلەفزیۊنیۆ واتش کە پی زوانە (شمال حەبیب) مارمێ چېرو دەسەڵاتو وېمان.
* تاریخو (00-03-1994ز.) پەرلەمانتارانو پەرلەمانو ڕاواچکاری ئۆروپای، بە (26) ویس و شش وڵاتې ئەندامېوە دژو ئانکەرەی پەی زینانی کەرڎەی (8) هەشت پەرلەمانتارا کوردی ناڕازیبییەیش بە تڼی نیشانەدا.
* تاریخو (00-03-1994ز.) گېریای (8) هەشت پەرلەمانتارې کوردی بە فەرمانو ترکی.
* تاریخو (00-03-1994ز.) پۊرەمالایێ چەکداری میانو یەکیەتی نیشتیمانی کورڎەسانی و پارتو دیموکراتو کورڎەسانی دلې شارو هۆلېری کە نزیکەو پەڼج تاکو شش کەسېشا جە یۊترینی کوشتې.
* تاریخو (00-03-1994ز.) ساڵەو 1987 تاکو ئی ساڵې: داگیرکاری ترکی بایی (22) ویس و دوې ملیۊن دۊلارې چەک و تەقەمەنی و کەرەسې جەڼگیې، کە بەشێ فرېشان تانکې بېنې، لاو وڵاتو هۊڵەندایۆ ئەسێ.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]