ناڤ: ئاڵا
ناسناڤ: ئاڵا ڕەیانی
ساڵا ژدایکبوونێ: 1980
جهێ ژدایکبوونێ: #مەهاباد#
$ژیاننامە$
ئاڵا ڕەیانی ساڵا 1980 ل باژێڕێ مەھاباد یا ڕوژھەڵاتێ کوردستانێ ژدایک بوویە. ئەو دبێژیت ئێک ل بیرەوەریێن وێ ئێن سەرەتایی ئەوە کوو ل باخچەیێ ساڤایان، نەچار بوو بەدەلی زمانێ دایکا خوە کو کوردییە، ب زمانێ فارسی بئاخڤیت.
ساڵا 1986 ب ئەگەرێن سیاسیی دگەل ماڵباتا خوە بەرەڤ وڵاتێ سوید کۆچ کرییە.
ئاڵا ل بوارێن فیلم، شانۆ، تیڤی و دەنگدا کار دکەت. ئەو زمانێن سویدی، ئینگلیزی، کوردی، فارسی و ھندەک ژی فەڕەنسی دزانیت و ھەروەسا ل بەرھەمێن خوەدە ب زمانێ عەرەبی ژی قسە دکەت.
ئاڵا ڕەیانی پشتی هەیامەک کێم ل شوڕەش 1979 یا گەلێن ئیرانێ ژدایک بوویە، کو ڕژێما شای نەما و خومەینی ئیران ب کۆمارا ئیسلامی یا ئیرانێ ناساند. وێ شەڤێ ئاڵا ژدایک بوویە، کوردستان ل بن بۆمبە بارانێدا بوویە.
کەچا جەنگ (Krigets dotter) ناڤێ پەرتووکا ئاڵا ڕەیانییە کە تێدا چیرۆکا ماڵباتا خوە ڤەدگێڕێت، بەحس ل حەسرەتا باب و باپیران ژبو کوردستانەک ئازاد و شەڕی دایک و بابان دژبەری ئەوان ئیسلامیێن کو شەڕ ل دژی ڕوژھەڵاتێ کوردستانێ ڕاگهاند، دکەت و یادەوەریێن سەردەمێ زاروکینییا خوە و ڕەڤیانا دراماتیکی ژبو سوید ڤەدگێڕێت، سەرباری ڕوانگەهێن دیروکی لسەر خەباتا ئازادییا کوردستانێ ل سەدەیا بیستەمدا.
کەچا جەنگ، ژن ژیان ئازادی وێنەیەکی جوانێ خێزانەک و گەلەکییە کو ل بن ھەڕەشە و توندوتیژییا بەردەوامدا دژین. پەرتووکەکە ل ئایارا 2023دا بەڵاڤ بوو.
=KTML_Bold=خەڵاتێن وێ:=KTML_End=
ئاڵا ڕەیانی ل فیستەڤاڵا فیلما ستۆکمۆشندا (STOCKMOTION) کو ل 15–16ێ تشرینا دووهەم یا ساڵا 2022 بڕێڤەچوو، بو ڕوڵێ لەیلا ل کورتە فیلما لەیلادا کو ساڵا 2021 لسەر دەستی بەھادور شەھیدی هاتبوو دروست کرن، خەڵاتا باشترین ئەکتەر بدەست خوەڤە ئینا. ل ڤێ فیلمێدا لەیلا ل سوید دناڤبەرا دوو چاندێن جودا مژویلی ململانێیە. [1] [2]