نامې: شېخ ئەحمەڎ
نازنام: خودانو بارزانی
نامۊ تاتەی: شېخ محەمەڎ
ساڵەو پېڎابییەی: 1896
ڕۊ مەرڎەی: #11-01-1969#
یاگۊ پېڎابییەی: #بارزان#
یاگۊ مەرڎەی: #بەغڎا#
$ژیۋاینامە$
شېخ ئەحمەڎ، ئەشناسیا بە خودانو بارزانی، واتا ساحېبو بارزانییەکا. نامې تەمامەش شېخ ئەحمەڎ شېخ محەمەڎ شېخ عەبدولسەلامی یەکەمو بارزانی، ساڵەو (1896) دلې دەگاو بارزانی ئامان پېڎا. تەمەنش حۆت ساڵی بییەن کاتێ شېخ محەمەڎی تاتەش کۊچی دمایینش مەکەردەن.
شېخ ئەحمەڎو بارزانی برا گۆرەو #مەڵڵا مستەفاو بارزانی# و برا گولانەو #شېخ عەبدولسەلام بارزانین#. شېخ عەبدولسەلام بارزانی کە ئەشناسیان بە شېخ عەبدولسەلامی دوەمو بارزانی.
شېخ عەحمەڎ، تەمەنش (18) هەژدە ساڵې بییەن کاتێ شېخ عەبدولسەلامی برا گۆرەش جە ساڵەو (1914) بە فەرمانو عوسمانییەکا قەنارە دریان و شەهیڎ کریان.
دمای شەهیڎبییەی برا گۆرەکەیش، شېخ ئەحمەڎ ڕابەری تەکیەو بارزانی و کۊششی ڕزگاریوازو بارزانیش مەگېرتەن گەردەن و نازنامو (خودانی بارزان)یش پۆوە نریان.
خودانو بارزانی کەسێ قەدر گران بییەن دلې بەرزانییەکا هەم دلې خەڵکو ناوچەو بادینانی. جەمێ یاسا و ڕېسێ فرە ئېژێش دلې ناوچەکەی و چواردۆریشەنە سەپنێنې کە تاکو ئارۊیچ هەرمانەشان پەنە مەکریۊن، چانېشا: قەڎەغە کەردەی ڕاوې.
قەڎەغە کەردەی ژەن بە ژەنی و گۆرە بە گولانەی.
قەڎەغەکەردەی بڕیەیۆ داری تەڕی.
پینەیچە ناوچەو بارزانی جە ڕوەو ژیوگایۆ فرە وەڵکۆتەن، سۆزایی فرە و ئاژەڵې کۊیې کە فرەو یاگاشەنە مەپېویان.
شېخ ئەحمەڎ، تاریخو (11-01-1969) دلې نەوەشخانەو (ئیبن سینا) جە شارو بەغڎای کۊچی دمایینش کەردەن. [1]