باکووری کوردستان
- دەوڵەتی تورکیا لە 11کەڕەک و گوندی لیجە قەدەغەی هاتوچۆی لە دژی هاووڵاتییان راگەیاند. سوپای تورکیا دوای راگەیاندنی قەدەغەی هاتووچۆئۆپەراسیۆنێکی سەربازییان لەناوچەکەدا دەستپێکردووە.[2]
رۆژهەڵاتی کوردستان
- بەهۆی بوومەلەرزەبوومەلەرزەکەی دوێنێ شەوەوە، سەرچاوەکان باس لە کوژرانی 8 کەس و برینداربوونی زۆرتر لە 700 کەس دەکەن لە سنووری کرماشانکرماشان.[1]
- بەرپرسی تۆڕی ناوەندی بومەلەرزەزانی پارێزگای کرماشان رایگەیاند: لەدوای ئەو بومەلەرزە بەهێزەکەی لە کرماشان روویدا 161 بومەلەرزەی سوک و مام ناوەند لەو پارێزگایە تۆمارکراوە.[5]
- بەپێی هەواڵی گەیشتوو بە ئاژانسی هەواڵدەریی کوردپا، چەند ڕۆژ پێش، ژمارەیەک لە کۆڵبەرکۆڵبەرانی کورد لە بەرزاییەکانی داڵانپەڕی مەرگەوەر، لە لایەن هێزە نیزامییەکانی حکوومەتییەوە تەقەیان لێدەکرێت و لە ئەنجامی ئەو تەقەکردنەدا، کۆڵبەرێکی کورد بە ناوی مامەش عەلیزادە خەڵکی ناوچەی تەرگەوەڕ، بە سەختی بریندار بوو.[3]
- چەند ڕۆژ پێش، هاووڵاتییەکی کورد بە ناوی حشمەت ئادمنتەمەن 28 ساڵ خەڵکی گوندی ئەسپەڕێز سەر بە دێهستانی پیرشالیاری شاری سەوڵاواسەوڵاوا، لە لایەن مەئموورانی ئیتلاعاتی سەر بە هێزە ئیتلاعاتییەکانەوە دەسبەسەر کرا.[3]
باشووری کوردستان
- لەماوەی 24 سەعاتی رابردوودا 90 بومەلەرزە شاری خانەقینخانەقین و دەوروبەری هەژاندوە.[5]
- کاتژمێر: 23:00، ئاگرێک لە بازاڕی قەیسەریی مێژوویی کەرکوککەرکوک کەوتەوە و بەهۆیەوە سەدان دوکان سووتان و زیانی ماددی و مێژووییی لێکەوتەوە.[1]
- ئەمڕۆ جارێکی دیکە خوێندکارانی زانکۆی سلێمانیسلێمانی لەبەردەم کەمپی نوێی زانکۆ گردبونەوەیان ئەنجامدا. ئەو خوێندکارانە، جەختیان کردەوە، کە تا ئەو کاتەی تەواوی داواکارییەکانیان جێبەجێ دەکرێت، بەردەوام دەبن لە دەربڕینی ناڕەزایی.[6]
- ئێوارەی ئەمڕۆ، تەڤگەری ئازادیی کۆمەڵگەی کوردستانتەڤگەری ئازادیی کۆمەڵگەی کوردستان، لە بارەگا سەرەکیی خۆیان لە شاری سلێمانی، کۆنگرەیەکی ڕۆژنامەنووسییان لەسەر بڕیاری داخستنی حزب و ڕێکخراوە بێ مۆڵەتەکان ڕێکخست، کە دوێنێ لەلایەن حکومەتی هەرێمی کوردستانەوە دەرکرا. لە کۆنگرە ڕۆژنامەنووسییەکەدا، شیلان شاکرشیلان شاکر، هاوسەرۆکی تەڤگەری ئازادیی قسەیکرد و ئەوەی خستەڕوو: دوای دەرچوونی ئەو بڕیارە، ئەمڕۆ بەشی ئاسایشی ڕزگاریی لە شاری سلێمانی سەردانی بارەگاکەمانی کرد و داوای پیشاندانی مۆڵەتی لێ کردین، ئێمەش پێمانوت کە مۆڵەتی هەرێممان نییە بەڵام مۆڵەتی عێراقمان هەیە.[6]
- عاسی محەمەد زەنگەنە دانیشتووی شاری کفریکفری کە یەکێکە لەوانەی لە سەر دۆسیەی ئەنفالئەنفال داواکراو بوو، چوار ساڵ لەمەوبەر خۆی رادەستی دادگا کرد بوو، ئەمڕۆ لە زینداندا کۆچی دوایی کرد.[7]
دەرەوەی کوردستان
- هەفتەی رابردوو کۆبوونەوەیەک بە بەشداری ژمارەیەک شارەزای کورد، عەرەب و ئیسرائیلی لە ئورشەلیم بەڕێوەچوو کە تێیدا سیستەمی فیدراڵیزم بۆ رۆژهەڵاتی نێوەڕاست تاوتوێ کرا، بەتایبەتیش لە عێراق، سووریا، ئوردن و ئیسرائیل، ئەمەش وەکو بەشێک لە چارەسەری ئەو دۆخە ئاڵۆزەی لە چەندین ساڵی رابردوودا رۆژهەڵاتی نێوەڕاستی گرتووەتەوە. یەکێک لەو بژارانەی لەوێدا خراوەتەڕوو، پێکهێنانی جۆرێک لە کۆنفیدراڵی لە نێوان وڵاتانی رۆژهەڵاتی نێوەڕاستدا بووە.[4]

#بوومەلەرزە | #کرماشان | #کۆڵبەر | #سەوڵاوا | #خانەقین | #کەرکوک | #سلێمانی | #تەڤگەری ئازادیی کۆمەڵگەی کوردستان | #شیلان شاکر | #کفری | #ئەنفال |