د. یاد نەقشبەندی، گوتەبێژی تەندروستیی #سلێمانی# ڕایگەیاند، تکا دەکەم زیاتر پابەندی ڕێنماییەکانی خۆپارێزی و چارەسەر بن، تاوەکو ئازیزانتان لە دەست نەدەن، چونکە لە ماوەی 4 ڕۆژدا (01-10-2020 تاوەکو 04-10-2020) لە شاری سلێمانی 126 تووشبووی نوێی کۆرۆنا کە نیشانەی تووندی ڤایرۆسەکەیان هەبووە لە نەخۆشخانەکان داخڵ کراون، 28 توشبووش گیانیان لەدەستداوە.
ئەو کەسانەی تووشی کۆرۆنا بوون و گیانیان لەدەستداوە لە نەخۆشخانەکانی ئاسا، شەهید ئاسۆ، شەهید هێمن، شەهید تاهیر والی بەگ بوون.
ڕژی یەکشەممە 04-10-2020، وەزارەتی تەندروستیی هەرێمی کوردستان ئاماری 24 کاژێری ڕابردووی بڵاوکردەوە و ڕایگەیاند، 620 کەسی دیکە تووشی کۆرۆنا بوون و 19 کەسی دیکەش گیانیان لەدەستداوە.
بەپێی دوایین ئامارەکانی وەزارەتی تەندروستیی هەرێمی کوردستان تاوەکو ئێستا 50 هەزار و 248 کەس تووشی کۆرۆنا بوون. هەروەها 31 هەزار و 996 کەس چاکبوونەتەوە و هەزار و 826 کەسیش گیانیان لەدەستداوە. هەروەها 16 هەزار و 426 کەس لەژێر چارەسەری پزیشکدان.
وەزارەتی تەندروستیی هەرێمی کوردستان بەردەوام جەخت لەوەدەکاتەوە کە پێویستە هاونیشتمانییان بەردەوام پابەندنی ڕێنماییە تەندروستییەکان بن و لەکاتی چوونەدەرەوەیان ماسک و دەستکێش بەکاربهێنن.[1]

#بەرێوبەرایەتی گشتی تەندروستی سلێمانی# ئاماری چوار مانگی ڕابردووی (01-01-2020-01-05-2020) حاڵەتەکانی گیانلەدەستدانی منداڵانی بڵاوکردەوە و ئاشکرایکرد، 37 منداڵ بە هۆی نەخۆشکەوتنیان و گرفت لە هەناسەدانیان گیانیان لەدەستداوە و 28 کۆرپەش دوای لەدایکبوونیان گیانیان لەدەستداوە.
بە گوێرەی ئامارەکە، لە ماوەی چوار مانگی ڕابردووی ئەمساڵدا (01-01-2020-01-05-2020), 6458 منداڵ لەنەخۆشخانەی د.#جەمال ئەحمەد ڕەشید#ی منداڵانی فێرکاری داخڵ کراون و چارەسەری پێویستیان بۆ کراوە. هەروەها 21 هەزار و 636 منداڵ سەردانی کلینکی ڕاوێژکاری ئەو نەخۆشخانەیان کردووە.
لە ئامارەکەدا ئەوەش هاتووە: لە ناو ئەو منداڵانەی لەنەخۆشخانەی د.جەمال ئەحمەد ڕەشیدی منداڵانی فێرکاری داخڵ کراون 3104 یان نەخۆشی کۆئەندامی هەناسەیان هەبووە و لەو ماوەیەدا 37 حاڵەتی گیان لەدەستدانی منداڵ تۆمارکراوە.
هەر لەماوەی ئەو چوار مانگەدا لەو نەخۆشخانەیە 2097 تیشک و 890 سۆنار و 628 ئیکۆ کراوە بۆ ئەو منداڵانەی پێویستیان پێی بووە.
هەر بە گوێرەی ئاماری ئەو بەڕێوبەرایەتییە، لەو ماوەیەدا، 3304 منداڵ لە نەخۆشخانەی منداڵبوون لەدایک بوون کە 1209 یان بە نەشتەرگەری و 2051 یان بەشێوەی سروشتی لەدایک بوون، هەروەها 28 منداڵیش پاش لەدایک بوون گیانیان لەدەستداوە و لە بەشی خودەج 46 منداڵ وەرگیراوە.[1]
#08-05-2020#

ماڵپەڕی:سپی میدیا
بەپێی ئامارێکی بەڕێوەبەرایەتی تەندروستی سلێمانی لە ڕۆژانی جەژنی قوربان 13 هاوڵاتی بەڕووداوی هاتوچۆ گیانیان لەدەستداوە‌و زیاتر 4000 کەسیش ڕەوانەی‌ نەخۆشخانە کراون.
ئەمرۆ میران محەمەد، بەڕێوەبەری گشتی تەندروستی سلێمانی، لەکۆنفرانسێکی ڕۆژنامەوانیدا ڕایگەیاند، لەماوەی ڕۆژانی جەژنی قورباندا (25) کەس بەشێوازی جیا جیا گیانیان لەدەستداوە، ڕاشیگەیاند، بەراورد بەجەژنی ڕەمەزان ئاماری ڕووداوی هاتوچۆ لەجەژنی قوربان زیاتر بووە، بەجۆرێک (13) کەس گیانیان لەدەستداوە کە خەڵکی شاری سلێمانین و 7 کەس بە نەخۆشی‌ و 3 کەس سوتاویی‌ و 2 کەسیش خنکاون‌ و یەک حاڵەتیش هەبووە کە بەفیشەک گیانی لەدەستداوە.
هەر لەکۆنفرانسەکەدا بەڕێوەبەری گشتی تەندروستی سلێمانی ئاشکرایکرد، لەماوەی چوار ڕۆژی جەژنی قورباندا (233) منداڵ لەنەخۆشخانەی منداڵبوون لەدایکبوون کە (103) منداڵیان کچ‌و (130) منداڵیشیان کوڕ بوون‌و لەو ڕێژەیەش (40) منداڵیان، منداڵی ئاوارەکان‌و گەشتیارانی عەرەب بوون.
میران محەمەد باسی لەوەش کرد، کە چوار هەزار‌و (259) کەس ڕەوانەی‌ نەخۆشخانە کراون کە سێ‌ هەزار و (786) کەسیان چارەسەری پێویستیان وەرگرتووە.

بە پێی بەشی ڕاگەیاندنی بەڕێوەبەرایەتی تەندروستی سلێمانی، لە ڕێکەوتی 31/12/2021 ڕووداو و سەردانیکردنەکان لە بەشی فریاکەوتنی نەخۆشاخانەی شار بەمشێوەیە تۆمارکراون:
255 هاووڵاتی سەردانی بەشی فریاکەوتنیان کردووە
160 هاووڵاتی لە نەخۆشخانە خەوێندراون و ماونەتەوە
6 حاڵەتی ڕووداوی هاتووچۆ تۆمارکراوە
27 حاڵەتی کتوپڕ هەبووە
4 حاڵەتی بەربوونەوە
3 حاڵەتی برینداربوون بە چەقۆ
3 حاڵەتی کەوتن
3 حاڵەتی بەرکەوتنی فیشەک
22 حاڵەتی جیاجیا
1 حاڵەتی خنکان هەبووە[1]

[1]

#19-03-2018#

ئەمڕۆ 6/19 ئاماری سێ‌ ڕۆژی جەژنی ڕەمەزاندا لە شاری #سلێمانی# دەخاتەڕوو.
لە نەخۆشخانەکانی فریاکەوتنی شارو فریاکەوتنی خێرای نەشتەرگەری و فریاکەوتنی منداڵبوون و پسپۆڕییەکانی دڵ و سەنتەری فریاگوزاری خێرای تەندروستی لەخۆ دەگرێت.
سێ هەزارو 335 کەس سەردانی هەردوو نەخۆشخانەی فریاکەوتنی شارو نەشتەرگەرییان کردووە لەو ڕێژەیەش 629 کەسیان داخڵی هەردو نەخۆشخانەکە کراون کە 258 حاڵەتیان لە ناو فریاکەوتنی خێرای نەشتەرگەریدا بووە، لەم ڕێژەیەش 37 بریندار بەڕووداوی هاتووچۆ و 32 برینداری شەڕوپێکدادان و شەڕەچەقۆ و 18 برینداری کەوتن و کەوتنەخوارەوە بوون، هەروەها لەگەڵ 4 حاڵەتی برینداری فیشەک و تەقەمەنی و 19 بریندار بەڕووداوی جیاجیا. هەروەها 13 حاڵەتی مردن بە هۆکاری جیا جیا تۆمارکراوە کە دوانیان منداڵی نەبەکام بوون.
88 منداڵ لەدایک بوون کە یەک حاڵەتیان لەدایکبوونی منداڵی دووانە بووە، کە 42 منداڵیان کوڕو 46 منداڵی دیکەیان کچ بوون و هیچ حاڵەتێکی مردنیش تۆمار نەکراوە. لە کۆی گشتی ئەو دایکانەی لەو ماوەیەدا منداڵیان بووە، 65 دایک بە شێوازی سروشتی و 22 دایکیشیان لەڕێگای نەشتەرگەرییەوە منداڵەکانیان بووە.
هەروەها لەو سێ ڕۆژەدا، 17 نەخۆش کاری قەستەرەو 31 نەخۆشی تر خزمەتگوزاری شەبەکەو باڵۆن و یەک حاڵەتی دانانی ئامێری کارەبایی دڵ و 2 حاڵەتی نەشتەرگەری گەورەی دڵَ ئەنجامدراوە، لەگەڵ تۆمار کردنی یەک حاڵەتی مردن لەو ماوەیەدا.
26 حاڵەتی دەرچوون بە کۆدی سوور لەلایەن تیمەکانی فریاگوزاری خێرای تەندروستییەوە ئەنجامدراوە بۆ سەر شوێنی ڕووداوەکان و گواستنەوەی قوربانییەکانی ڕووداوەکانی هاتوچۆ و برینداری شەڕو پێکدادانەکان و...هتد، لەگەڵ 75حاڵەتی گواستنەوەی نەخۆش لە نێوان نەخۆشخانەکانداو تۆمارکردنی دوسەدو 75 حاڵەتی پێشکەشکردنی خزمەتگوزارییە پزیشکی و تەندروستییەکان بە نەخۆش و هاوڵاتیان لەشوێنە گەشتیارییەکاندا.
#19-06-2018#

یەک بەڕێوەبەرایەتییە گشتییەکانی ناو شاری سلێمانییە. لە ئێستادا ساڵی(2021)، دکتۆر (سەباح هەورامی) بەڕێوەبەریەتی. دەکەوێتە گەرەکی #قرگە#ەوە سەروو عەلوەی نوێی سلێمانی، بەرانبەر سەنتەری شەکرە و کوێرەگلاندەکانە.
[1]

بەڕێوەبەری گشتی تەندروستی سلێمانی ڕایگەیاند کە ڕێژەی چارەسەرکردن بۆ نەخۆشی سیل لە شارەکە گەیشتۆتە (97%) و سەرەڕای ئەوەش یەکێکە لەشارە پێشەنگەکان لەڕووی ڕێژەی دۆزینەوە و دەستنیشانکردنی نەخۆشییەکەوە.
ئەمڕۆ دوو شەممە 17-08-2015 بەڕێوبەرایەتی گشتی تەندروستی سلێمانی و سەنتەری ڕاوێژکاری نەخۆشییەکانی سینگ و هەناسە لە هۆتێل (های کریست) بەهاوکاری لەگەڵ هەردوو ڕێکخراوی جیهانی سەر بە نەتەوەیەکگرتوەکان (UNDP) و (WHO) کۆنفرانسێکی زانستی تایبەت بۆ ئه و مەبەستە ڕێکخست و تێیدا سەرجەم بەڕێوەبەرە گشتییەکانی تەندروستی پارێزگاکانی عێراق و پسپۆڕانی بوارەکە بەشداربوون و بڕیاریشە چەند ڕۆژێک بخایەنێت.
کۆنفرانسی زانستی بۆ هەڵسەنگاندنی ڕەوشی نەخۆشی (سیل) و چارەسەرییەکانی لە سەر ئاستی عێراق لەشاری سلێمانی بەڕێوەچوو و ئاماژە بەوەدرا کە پارێزگای سلێمانی پێشەنگی هەموو پارێزگاکانی تری (عێراق)ە لەڕووی زوو دەستنیشانکردن و چارەسەرکردنی نەخۆشیەکانی (سیل)ەوە.
لەوبارەوە د.میران محەمەد بەڕێوبەری گشتی تەندروستی سلێمانی تایبەت بۆ خەندان وتی: "لەڕووی زوو دەستنیشانکردن و چارەسەرکردنی نەخۆشییەکانی (سیل)ەوە پارێزگای سلێمانی ئاستێکی باشی بڕیوە، ئێستا لەڕێی شەش کەرتی تایبەتەوە بۆ ئه و مەبەستە چاودێری و چارەسەری نەخۆشییەکە دەکرێت".
وتیشی: "ڕێژەی چارەسەرکردن بۆ نەخۆشییەکە لەشاری سلێمانیدا گەیشتۆتە (97%) و سەرەڕای ئەوەش یەکێکە لەشارە پێشەنگەکان لەڕووی ڕێژەی دۆزینەوە و دەستنیشانکردنی نەخۆشییەکەوە، هەموو ئەمانە وایانکرد لە کۆنفرانسەکەشدا ئاماژەی پێبدرێت و دەستخۆشی لە هەوڵەکانی بەڕێوەبەرایەتی گشتی تەندروستی سلێمانی بکرێت و داواکرا هەموو پارێزگاکانی تر چاو لە سلێمانی بکەن".
- 17-08-2015

دواڕۆژ، #زریان محەمەد#
بەهۆی کڕینی پێداویستی دەرمان بۆ فەرمانگەکەیان، تەندروستی #سلێمانی# پارەی کۆمپانیاکانی دەرمان قەرزارە و تائێستا ئەو پارانە نەدراونەتەوە بەکۆمپانیاکانی دەرمان.
عەبدوڵا ئەحمەد، جێگری بەڕێوەبەری تەندروستی سلێمانی بەدواڕۆژی وت تەندروستی سلێمانی لە ئێستادا نزیکەی 16 ملیار دیناری کۆمپانیاکانی دەرمان قەرزارە کە تائێستا پارەکانیان نەدراوەتەوە.
وتیشی ئەو پارەیە هی کۆمپانیاکانی دەرمانە لە سلێمانی و هەولێر کە لێیان کڕدراوە لە ساڵەکانی 2013 تا 2017 کۆمپانیاکانیش داوای پارە دەکەن، بەڵام ناتوانین وەک پێویست ئەو پارانە بدەینەوە.
ئاماژەی بەوەشدا دانەوەی ئەو قەرزانە ڕەزامەندی وەزارەتی دەوێت و هەرکات توانیمان بەردەوام دەبین لەدانەوەی ئەو قەرزانە.
بەهۆی نەبونی بودجەی پێویست حکومەتی هەرێم نەیتوانیوە وەک پێویست پارەی کەرتی تەندروستی دابینبکات، ئەمەش گرفتی دروستکردووە بۆ فەرمانگە تەندروستییەکان.[1]
#08-01-2018#