ئەندامانی تیمی پارتیزان #ئامەد#ی هەبەدەهە ڕاگەیەنراوێکی بڵاوکردەوە و وتی، ڕۆژی 31-01-2022 لە کاتژمێر 20:00دا لەدژی ئۆتۆمبێڵێکی دوژمن لەسەر ڕێگەی ئێلح و حەسکیف، چالاکی چەکداریان ئەنجامداوە. ژمارەی کوژراو و بریندارەکانی دوژمن نەزانراوە.
لە ڕاگەیەنراوەکەدا هاتووە، چالاکیەکەمان پەیامێکە بۆ هێزەکانی دەوڵەتی فاشیستی تورک. ئەندامانی هەبەدەهە هەموو کاتێک بەدوای ئەواندا دەگەڕێن. ئۆتۆمبێڵ و بارەگاکانیان پارێزراو نین. تێکۆشانی گەریلا لە هەموو گۆڕەپانێکی شەڕی شۆڕشگێری بۆ شارەکان دەگوازینەوە.
ئێوە وەک هێزە داگیرەکەران لە ئاڤاشین، مەتینا و زاپ لە بەرانبەر ئیرادەی گەریلا تێکشکان. سەرکەوتن ئەمڕۆ و سبەینێ هی ئێمەیە. وەک ئەندامانی هەبەدەهە ئێمە جموجووڵی سەفەربەری شۆڕشگێری کە دەنگی بەرخۆدانی گەریلا لە شارە گەورەکانین، فراوان دەکەین. تێکۆشانمان بۆ لەناوبردنی فاشیزم و بەدەستهێنانی ئازادی، بە هەڵگرتنی چەکی نەمران فراوان دەبێت، سەرکەوتنمان نزیکە!
چالاکیەکەمان لەسەر ناوی هەڤاڵ پارتیزان ئامەد ئەنجامدراوە کە لە ڕۆژئاوا لە پاراستنی #حەسەکە# لەدژی چەتەکانی #داعش# تێکەڵ بە کاروانی نەمران بوو و هەروەها چالاکیەکەمان بۆ شەرمەزارکردنی ساڵیادی پیلانگێڕی 15ی شوبات لەسەر عەبدوڵلا ئۆجالان ڕێبەری گەلی کورد ئەنجامدراوە.[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

هەرچەندە دادگا‌ی ڕاوێژکاری گواستنەوەی بەرهەمە شوێنەوارییەکانی حەسکیفی ڕەتکردەوە، بەڵام حکومەتی تورکیا پێشێلی بڕیارەکە دەکات و بەردەوامە لە تاڵانکردنی شوێنەوارەکان
سێزدەمین فەرمانگەی دادگای ڕاوێژکاری، گواستنەوەی شوێنەوارە دێرینەکانی ناوچەی حەسکیف-ی باکووری کوردستانی ڕەتکردەوە کە خاوەنی مێژوویەکی 12 هەزار ساڵەیە، بەڵام وەزارەتی کولتوور و گەشتوگوزار-ی ڕژێمی ئاکەپە ڕەچاوی بڕیارەکە ناکات و بەردەوامە لە تاڵانکردنی حەسکیف.
لە دوای بڕیارەکەی ئه و دادگەیە کە پڕۆسەی گواستنەوەی بەرهەمە شوێنەوارییەکان بەتاڵ دەکاتەوە، وەزارەتەکە درێژەی بە کارەکانی دا و چەندین شوێنەوار و بەرهەمی شوێنەواریی حەسکیفی لە شوێنی خۆیان لابرد و گواستنیەوە بۆ شوێنی دیکە، ئەم هەنگاوەش پاش ئەوە دەستی پێکرد، کە حکومەتی تورکیا دەستی بە دروستکردنی بەنداو کرد لە ناوچەی حەسکیف، به و هۆیەشەوە شوێنەواری 12 هەزار ساڵەی حەسکیف ژێرئاو دەکەوێت.[1]
#26-11-2018#