بەهۆی کۆچی دوایی عەلی قازی کوڕی پێشەوا قازی محەمەد، #بافڵ جەلال تاڵەبانی# سەرۆکی #یەکێتیی نیشتمانیی کوردستان# پرسەنامەیەک ئاڕاستە دەکات کە ئەمە دەقەکەیەتی:
پرسەو هاوخەمی خۆمان بۆ کۆچی دوایی کەسایەتی ناسراوی کورد #عەلی قازی محەمەد#، کوڕی پێشەوا قازی محەمەد ڕادەگەیەنین.
عەلی قازی یەکێک بوو لە کەسایەتییە نیشتمانپەروەرەکان و لە ڕووداوە سیاسییەکاندا هەڵوێستێکی نەتەوەییانە و کوردپەروەرانەی هەبوو. هەمیشە لەبەرەی گەل و لەخەمی خەڵکدا بووە. ئەمە جگەلەوەی کوڕی پێشەوا قازی محەمەد، سەرۆکی کۆماری کوردستان بوو، کە مێژوویەکی پڕ لە شانازی و سەروەری بۆ جێهێشتین وەک یەکێک لە پێشەواکانی گەلی کورد بۆ بەدەستهێنانی مافەکانمان.
بۆ ئەم خەمە پرسە و هاوخەمی خۆمان ئاڕاستەی کەسوکار و خانەوادەی سەربەرز و تێکۆشەری عەلی قازی دەکەین و خۆمان بە هاوبەشی پرسەکەتان دەزانین.
لەخوای گەورە داواکارین ڕۆحی کۆچکردوو شاد بکات و سەبووری بە هەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
#10-7-2022#
[1]

دەقی پرسەنامەکەی #بەرهەم ساڵح#:
ماڵئاوایی کەسایەتی ناسراوی کورد کاک عەلی قازی محەمەد کوڕ ی ڕ ەش خەمباری کردین.
لەم بۆنە خەمگینەدا پرسە و هاوخەمی خۆمان بۆ ئەندامانی خانەوادەی نیشتمانپەروەری پێشەوا قازی محەمەد ڕ ادەگەیەنین و هاوبەشی خەمیانین، لە پەروەردگاری میهرەبان تکاکارین کە ڕ ۆحی کاک عەلی قازی بە بەهەشتی ئاسودەیی خۆی شادبکات و ئارامیش بە بنەماڵە و کەسوکاری ببەخشێت.
بەرهەم ساڵح
سەرۆک کۆماری عێراق[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

$بۆ کۆچی تاقانەی باب و برا گەورەی ئێمە$
سەرەنجام ئەمڕۆ کاک عەلی کوڕی تاقانەی پێشەوا و برای گەورەی ئێمە، بۆ هەمیشە چاوەکانی لێکنا و بەرەو جیهانی هەرمان چوو.
کە پێشەوا شەهید دەکرێت عەلی تاقانە کوڕ، 13 ساڵان دەبێت. شکستی کورد و نەمانی باوک و خەیانەت و هەڵگەڕانەوەی ناوخۆیی، ڕەشەبایەک بوون کە عەلی شلک و ساوایان بەملاولادا دەدا. عەجەم فێڵباز و کوردیش لەخۆنەگر!
ژیانی پڕ لە هەوراز و نشێو بوو. گا لە سەر هەوران و گا لە کونجی زیندان. وا هەبووە کە هەم دوژمن وهەم دۆست ڕێگای گەڕانەوەی زێدی خۆیان لێ گرتووە. هەر لە بەر ئەوەی کوڕی پێشەوا بوو، هەم زیندانی داگیرکەری دیتووە و هەم حەپسی دەسەڵاتی خۆماڵیی. هەم لەبەر تۆمەتی دوژمناندا بوو، هەم زمانی ژەهراویی خۆماڵیی.
30ساڵ لەمەوبەر لە بۆنەیەکدا لە شاری #هەولێر# بە خزمەتی شاد بووم. ئێمە بۆ پێشەواو حەمەحوسەینخان و سەدری قازی ماڵە خاڵوانیین. دایکی هەر سێ قازی شەهید فەیزووڵڵابەگیی بوون. دڵپاک و سادە و بێ گرێ و گۆڵ بوو. لەو ساوە حەولم ئەوە بوو حەز و توانا و پوتانسیەلی لە بەستێنێکی نەتەوەییدا ئۆرگانیزە بکات.بەڵام لەو کاتەدا نالەباریی دۆخی خۆمان، ڕێگای ئەوەی نەدەدا خوڵکی هاوسەنگەریی بکەم.کاتێ پارتی ئازادیی کوردستان، لە ناو شەپۆلەکانی دەریای هەڵچووی ئەو ساڵانەدا پەڕییەوەو، لەنگەرێکی گرت، ئەوجار بە ئەرکم دەزانی کوڕی پێشەوا دەور و پێگەی شیاوی خۆی پێ بدرێت.
لە ئۆکتۆبری 2006دا کۆنگرەی یەکەمی #پارتی ئازادیی کورستان - پاک#، پێکهات و کوڕی تاقانەی پێشەوا بە سەرۆک هەڵبژیردرا. لە هەموو ئەو ساڵانەدا پێوەندیی نێوانمان پێوەندییەکی ڕۆحیی لە سەر بنەمای بەها کۆمەڵایەتیی و نەتەوەییەکان بوو. بە مانای ڕاستەقینەی وشە لە خزمەتیدا بووم کە وەک کوڕی پێشەوا و سەرۆکی PAK، دەوری شیاوی خۆی بگێڕێت و لە پیلانی دوژمنان و خەنجەری خێڵی بەخێڵان لە ئەماندا بێت.داخەکەم هەڵکشانی تەمەن و دۆخی سیاسیی لەوە زیاتر ڕێگای دەورگێڕانی بە سەرۆکیPAK نەدا.
بۆ دەست لە کار کێشانەوەکەی ڕێوڕەسمێکی شایان بە خۆی و پارتی ئازادیی کوردستانمان ڕێکخست. پاش وتەی ماڵاوایی سەرۆک، پێشمەرگەکان یەک بە یەک بە بەردەمیدا سڵاوی لەشکرییان پێشکەش کرد. ئێمە کاک عەلی/مان بە شانازی و سەری بەرز و قەدری گرانەوە بەڕێکرد. پاش دەست لە کارکێشانەوەش پێوەندیی و یەکتر ویستنمان لە جێی خۆی بوو. ئەو دەستانەی خەریکی لێک دوورخستنەوەمان دەبوون، دەستی بەهێزی ئێمەیان پێ با نەدەدرا. بەر لە تێکچوونی باری سڵامەتیی بە دەنگ و ڕەنگ پێکەوە دەدوایین، هەموو جارێ کەیف خۆش دەبوو بە بینینم. دوای ئەوەی حاڵی تێکچوو، کوڕەکان لە هەواڵ و بار و دۆخی ئاگاداریان دەکردم.
ئەمڕۆ پەیامێک دڵی ڕاچڵەکاندم: (کاک حوسەین بابم چوو)!
سەرەخۆشیی لە خۆمان، لە هاوسەر و کوڕەکانی، لە خوشکەکانی و لە بنەماڵەی بەڕێزی قازییان بە
گشتیی و، لە هەموو کوردستانیان دەکەم.
#حسەین یەزدانپەنا#
19ی پووشپەڕی2722ک
#10-07-2022#

بە هەواڵی کۆچی دوایی برای بەڕێز جەمیل ئاغای هەمزەئاغای کاکەشین سەرۆک هۆزی سیان و کەسایەتی ناسراوی باشووری کوردستان زۆر خەمبار و دڵگران بووم،
پرسە و سەرەخۆشیی و هاوخەمیی خۆم ئاراستەی خانەوادەی بەڕێزیان بە تایبەت و هاووڵاتیانی بە گشتی دەکەم، ڕووحی شاد و یادی هەرمان بێ.
عەلی پێشەوا قازی محەمەد#کوڕی ڕەش#
#2021-02-28#
[1]

بەداخێکی گرانەوە برای هێژا و خزمی ئازیزم کاک دارا داود بەگی جاف بە هۆی نەخۆشی له شاری #هەولێر# کۆچی دوایی کرد، پرسە و سەرەخۆشیی و هاوخەمیی خۆم ئاراستەی بنەماڵە و بەڕێزیان و گشت خەڵکی کوردستان دەکەم، جێگای بەهەشت بێ و یادی هەرمان بێ.
#عەلی قازی محەمەد#کوڕی ڕەش
#01-06-2021#.[1]

بە هەواڵی کۆچی دوایی برای بەڕێز دکتۆر #کەمال مەزهەر ئەحمەد# مێژوونوسی کورد و کەسایەتی دیاری کوردستان زۆر خەمبار و دڵگران بووم، پرسە و سەرەخۆشیی و هاوخەمیی خۆم ئاراستەی خانەوادەی بەڕێزیان بە تایبەت و دڵسۆزانی نیشتمان بە گشتی دەکەم، ڕووحی شاد و یادی هەرمان بێ.
#عەلی قازی محەمەد#کوڕی ڕەش
#2021-03-16#
[1]

بە هەواڵی کۆچی دوایی برای بەڕێز #سواره ئاغای سمایل ئاغای بڵباس# سەرۆک هۆزی بڵباس و کەسایەتی دیاری باشووری کوردستان زۆر خەمبار و دڵگران بووم، پرسە و سەرەخۆشیی و هاوخەمیی خۆم ئاراستەی خانەوادەی بەڕێزیان بە تایبەت و هاووڵاتیانی بە گشتی دەکەم، ڕووحی شاد و یادی هەرمان بێ.
#عەلی قازی محەمەد#کوڕی ڕەش
#2021-02-25#
[1]

بە هەواڵی کۆچی دوایی هاوڕێی قەدیمی و هێژام دکتور #نادر نادرۆڤ# پسپۆڕ و کەسایەتی نیشتمانپەروەر و ڕووناکبیری کوردستان لە کوردانی وڵاتی کازاخستان، خەمبار و دڵگران بووم، پرسە و سەرەخۆشیی و هاوخەمیی خۆم ئاراستەی بنەماڵەی بەڕێزیان و گشت خەڵکی کوردستان دەکەم، جێگای بەهەشت و یادی هەرمان بێ.
#عەلی قازی محەمەد# کوڕی ڕەش
#24-08-2021#
[1]

بە هەواڵی کۆچی دوایی برای دێرین و هاوڕێی ئازیزم پرۆفیسۆر دکتۆر #کینیاز ئیبراهیم میرزۆیڤ# سەرۆکی فیدراسیۆنی ناونەتەوەیی دیاسپۆرای کوردان و کەسایەتی نیشتمانپەروەر، نووسەر و ڕووناکبیری کورد خەمبار و دڵگران بووم، پرسە و سەرەخۆشیی و هاوخەمیی خۆم ئاراستەی بنەماڵەی بەڕێزیان و گشت خەڵکی کوردستان دەکەم، جێگای بەهەشت و یادی هەرمان بێ.
#عەلی قازی محەمەد# کوڕی ڕەش
#09-08-2021#
[1]

#نێچیرڤان بارزانی#: لەدەستدانی خوالێخۆشبوو #عەلی قازی محەمەد# خەمباری کردین
بۆ بنەماڵەی ڕێزداری پێشەوا قازی محەمەدی نەمر
کۆچی دوایی و لەدەستدانی خوالێخۆشبوو عەلی قازی، کوڕ و یادگاری پێشەوا قازی، خەمباری کردین. پرسە و سەرەخۆشیی قووڵم ئاراستەی ئێوە و تەواوی کەسوکار و هاوڕێیانی خوالێخۆشبوو و گەلی کورد بەگشتی دەکەم، هاوسۆز و هاوخەمتانم.
لە خوای مەزن داواکارم ئارامی و دڵنەوایی بە هەمووان ببەخشێت و گیانی خوالێخۆشبوو عەلی قازی بە بەزەیی و میهرەبانیی خۆی شاد بکات. یادی بە خێر.
نێچیرڤان بارزانی
سەرۆکی هەرێمی کوردستان
[1]