ئەمڕۆ ئێوارە #07-04-2023# کاتژمێر 4:18 خولەک لە نزیک سیاجی فڕۆکەخانەی نێودەوڵەتی #سلێمانی# تەقینەوەیەک ڕوویدا کە تیایدا هیچ زیانێکی گیانی و ماددی نەبوو و بووە هۆی ئاگرکەوتنەوە، دەستبەجێ تیمەکانی بەرگری شارستانی فڕۆکەخانە گەیشتنە شوێنی ڕووداوەکە و ئاگرەکەیان کۆنترۆڵ کرد.

‎لە ئێستادا هێزەکانمان سەرقاڵی لێکۆڵینەوەن لە ڕووداوەکە و لە داهاتوودا زانیاری زیاتر بڵاو دەکەینەوە.
هاووڵاتییان و گەشتیارە بەڕێزەکان ئاگاداردەکەینەوە، کە هیچ گرفتێک لە فڕۆکەخانە نییە و گەشتەکان و کاروبارەکانی فڕۆکەخانە بەشێوەی ئاسایی خۆیان بەڕێوەدەچن. [1]

بەڕێوەبەرایەتی ئاساییشی
فڕۆکەخانەی نێودەوڵەتی سلێمانی
07-04-2023

وەزارەتی گواستنەوە و گەیاندن
بەڕێوەبەرایەتی گشتی فڕۆکەخانەی نێودەوڵەتی #سلێمانی#[1]

بەهۆی بەردەوامی ئه و تەمومژەی ئاسمانی هەرێمی کوردستان و پارێزگای #سلێمانی# گرتووەتەوە کە بووە‌تە هۆی کەمبوونەوەی ماوەی بینین و ڕاگرتنی گەشتەکانی فڕۆکەخانەی نێودەوڵەتی سلێمانی، بەپێ ی ڕاپۆرتی نوسینگەی کەشناسی فڕۆکەوانی فڕۆکەخانەی نێودەوڵەتی سلێمانی کە بەرەبەیانی 2018-12-11 ئامادەیان کردووە‌ پێشبینی کراوە ئه و تەمومژە تا کاتژمێر (‌11:00)ی پێشنیوەڕۆی ئەمڕۆ بخایەنێت و پاشان گەشتەکان ئاسایی دەبنەوە.
بەشی پەیوەندییەگشتیەکان و ڕاگەیاندنی
فڕۆکەخانەی نێودەوڵەتی سلێمانی
#11-12-2018#

خەندان- هێڤی خالید
ئەمڕۆ سێ شەممە، 14یکانوونی دووەم، لە بەڕێوبەرایەتی فڕۆکەخانەی نێودەوڵەتی سلێمانی ئاماری ساڵی 2013یان خستەڕوو کە باسیان لە چۆنیەتی گەشتەکان و سەرنیشین و وردەکاری ناوفرۆکەخانەیان خستە ڕوو.
لە ئامارەکەدا هاتووە لە ساڵی 2013دا، 372هەزار هاوڵاتی فڕۆکەخانەیان بەکارهێناوە بۆ سەفەر کردن ئەوڕێژەیەش لە30% زیادیکردووە بەبەراورد لەگەڵ ساڵی 2012دا.بە پێی ئه و ئامارە، 75پەساپۆرتی ساختەدەستی بەسەردا گیراوە، 101کەس سنورداشکراوەتەوە بۆ سلێمانی، 85کەسیش سنورداشکراونەتەوە بۆ وڵاتەکانی خۆیان، 838هاوڵاتی بە یەکجاری گەڕاونەتەوە بۆ کوردستان، 5269هاوڵاتی ڤیزەی وەرگرتووە بۆ داخڵ بوون بۆ کوردستان لەڕێگەی فڕۆکەخانەی سلێمانییەوە.
تاهیر عەبدوڵڵا بەڕێوبەری گشتی فڕۆکەخانەی نێودەوڵەتی سلێمانی لە کۆنگرەیەکی ڕۆژنامەوانیدا ڕایگەیاند: سیستمێکی کەشناسی پێشکەوتوو هەیە بۆ بواری کەشناسی فڕۆکەوانی بەبڕی 1ملیارو532ملیۆن دینار ئەچێتەبواری جێ بەجێکردنەوە، کۆی ئه و پارانەی تەرخانکراوە لەسەر بودجەی وەزارەت 15ملیار و466ملیۆن دینارە.
ئەوەشی ڕاگەیاند:"نۆ بەڕێوبەرایەتی لەناو فڕۆکەخانەی نێودەوڵەتی سلێمانیدا هەیە، بەرێوبەرایەتی ئاسایشی، گومرگ، بنکەی نیشینگە، بانک، دەروازە، بنکەی هاتوچۆ، پۆلیس، تەندروستی، بەرگری شارستانی، بَیجگەلە بەڕێوبەرایەتی فڕۆکەخانە ئەم بەڕێوبەرایەتیانە لەناو فڕۆکەخانەدا کاردەکەن".
وتیشی"بەبەراورد لەگەڵ ساڵی 2012 کارەکانی فڕۆکەخانە 296% زیادی کردووە گەشەسەندنێکی زۆر هەیە لە کارەکانی فڕۆکەخانەدا".
- 14-01-2014

#قوباد تاڵەبانی# جێگری سەرۆک وەزیران پێشوازیکرد لە ڕۆزی کەیڤ کونسوڵی گشتی بەریتانیا لە هەرێم و لە کۆبوونەوەی نێوانیاندا تاوتوێی دۆخی سیاسی هەرێمی کوردستان و ئێراق کرا.
لە بەشێکی کۆبوونەوەکەدا کە ڕۆژی چوارشەمە #12-04-2023# بەڕێوەچوو، قسە لەسەر کێشەی وەستانی بەشێک لە گەشتەکانی فڕۆکەخانەی نێودەوڵەتی #سلێمانی# کرا. لەمبارەیەوە قوباد تاڵەبانی ناوەرۆکی کێشەکەی بۆ کونسوڵی گشتی بەریتانیا ڕوونکردەوە و ڕایگەیاند هەوڵە دیپلۆماسییەکانی بۆ چارەسەرکردنی کێشەکە بەردەوامە و گەشبینی خۆشی دەربڕی هەوڵەکان ئەنجامی دڵخۆشکەریان هەبێت.

لە بەشێکی دیکەی کۆبوونەوەکەدا باسی ڕێککەوتنی نێوان هەرێم و #بەغدا# کرا. قوباد تاڵەبانی ئاماژەی بەوەدا کە پێویستە هەردوولا بە تەواوی پابەندی ناوەرۆکی ڕێککەوتنەکە بن، هەر لایەک پابەند نەبێت ڕێککەوتنەکە جێبەجێ ناکرێت و زەرەرمەندی سەرەکی جێبەجێنەکردنی ڕێککەوتنەکەش هاووڵاتییانی کوردستان دەبن. [1]

لە ماوەی ساڵی 2017 لە فڕۆکەخانەی نێودەوڵەتی #سلێمانی# 86 هەزار و 144 ڕەشەوڵاخ هاتۆتە سلێمانیەوە ڕۆژانە دەکاتە 280 ڕەشە وڵاخ.. واتا هەموو ڕۆژێک 280 ڕەشەوڵاخ هاتۆتە سلێمانیەوە... هەریەکەی بە هەزار دۆلار دەگاتە سلێمانی و لەوێوە بەشێکی بۆ ناوخۆ و بەشی زۆریشی دەبرێتە ئێران و وڵاتانی دەرەوە مانگای گەورە هەرەیەکەی بە 1700 دۆلار واتا لە هەر وڵاخێکدا 700 دۆلار خێر دەکەن.... گومرگەکەی بۆ کۆمپانیایەکی حیزبیة و داهاتەکەی ناچێتە داهاتی فرۆکەخانەوە.. کە ئەو 86 هەزار ڕەشە وڵاخە بایی 86 ملیۆن دۆلارەو دەفرۆشرێتەوە بە 146 ملیۆن دۆلار کە 60 ملیۆن دۆلاری خێرە... ئەمە تەنها لە 10 مانگی 2017 دا 86 هەزار ڕەشە وڵاخ هاتۆتە سلێمانی چونکە لە سەرەتای مانی 10 ەوە فرۆکەخانەداخراوە.[1]
#04-01-2018#

لەکاتێکدا هەرێمەکەمان بە بارودۆخێکی دژواری ڕووبەڕووبوونەوەی ڤايرۆسی کۆرۆنا دا تێپەڕدەبێت , بەداخەوە کەسانێکی نابەرپرس و هەندێک پەيج و ناوەندی ميديايی بەردەوامن لە بڵاوکردنەوەی هەواڵی ناڕاست و چەواشەکاری کە بوونەتە سەرچاوەيەکی خراپ بۆ دروستکردن و بڵاوکردنەوەی ترس و دڵە ڕاوکێ لای هاونيشتمانيانمان.
لێرەدا بۆی ڕايی گشتی ڕادەگەيەين کە سەر لەسەرەتايی سەرهەڵدانی ڤايرۆسی کۆرۆناوە لە سۆنگی هەستکردن بە بەرپرسياريەتی و بۆ پاراستنی ئاسايشی تەندروستی هاونيشتمانيانمان فڕۆکەخانەی نێودەوڵەتی #سلێمانی# بەهەمەئاهەنگی لەگەڵ بەڕێوەبەرايەتی گشتی تەندروستی سلێمانی يەکەم هەنگاوی نا بۆ دروستکردنی کەرەنتينە لە هەرێمی کوردستان و عێراقدا و لە 29/1/2020 دەستپێشخەری کرد کە ناو فڕۆکەخانەدا بينايەکی ئامادەکرد تايبەت بەکەرەنتينەکردنی ئه و هاوڵاتيانەی کە لەووڵاتی (چين) ەوە دەگەڕانەوە , هەر ئەوکاتەش هەندێک له و ناوەندی ميديايانەی ئێستا , بەردەوام لە هەوڵی بڵاوکردنەوەی هەواڵی چەواشەکاريدابوون و گرنگی بابەتە کەيان بەشێوەيەکی تر پێوانە دەکرد.
ئەوەی لێرەدا مەبەستمانە زياتر تيشکی بخەينه سەر فڕۆکەخانەی نێودەوڵەتی سلێمانی لە ژێر بڕيار و بەيانەکانی ليژنەی باڵای ڕووبوونەوەی ڤايرۆسی کۆرۆنا کاردەکات و هەر بڕيار و بەيانێک لە بەڕێزيانەوە دەرچووبێت دەستبەجێ لە فڕۆکەخانەدا جێ بەجێ کراوە , بەداخەوە دوێنێ 23/3/2020 لە ڕاگەياندنی توشبوانی کۆرۆنا لە هەرێمی کوردستاندا يەکێک لە توشبووەکان دانيشتووی شارۆچکەی دەربەنديخانی ئازيزە , ووێڕايی دڵگرانيمان بە تووشبوونی ئه و هاونيشتمانی يە و تەواوی تووشبووانی تر هيوای هەرچی زووتر چاکبوونەوەيان بۆ دەخوازين.
هاونيشتمانيانی ئازيز ئه و بەڕێزە لە #06-03-2020# لە ڕێگەی فڕۆکەخانەی نێودەوڵەتی سلێمانی يەوە گەڕاوەتەوە و لەلايەن تيمەکانی تەندروستی يەوە پشکنين بۆ ئه و و سەرجەم سەرنشينەکانی تری ناو فڕۆکەکە کراوه , وە له و ڕێکەوتە دا هيچ فەرمانێکی ليژنەی باڵا نەبووە بۆ کەرەنتينەکردنی هەر هاوڵاتيەک کە لەووڵاتانی ئەوروپا وە دەگەڕانەوە , جگە لە ووڵاتی ايتاڵيا , وە ئەمە لەکاتێکدا کە تەواوی سەرنشينەکانی ناو فڕۆکەکە هيچ ئاماژەيەکی توشبوون بە ڤايرۆسيان نەبووە و فڕۆکەخانەش بەبێ بوونی فەرمان ناتوانێت ڕێگری لە هيچ گەشتيارێک بکات کاتێک لە پشکنين دەردەچن و هيچ کێشەيەکيان نەبێت.
بۆيە لێرەوە دڵنيايی دەدەينە هەموولايەک ئەم هەواڵە ناڕاست و چەواشەکاريانە دوورن لە ڕاستی يەوە و وە هەموو ئه و پەلاماردانانە نەک ساردمان ناکاتەوە بەڵکو تاوی زياترمان دەدات بۆ خزمەتکردنی گشتی وە خۆشمان بەراوورد ناکەين بە هيچ شوێنێک و هيچ کەسيش بە دڵسۆز و خەمخۆرت نازانين , باشتريش وايە ئه و پەيج و ناوەندە ميديايانە ووردتر بڕوانن کە کەسێک ماڵی لە شووشەبێت ناکرێت بەرد بگرێتە شوێنی تر.
هاونيشتمانيانی ئازيز
ئێوە تەندروست باشبن و پابەندی ڕێنماييەکان بن , ئێمەش بەردەوام دەبين لە خزمەتکردنتان.
بەشی پەیوەندییەگشتیەکان و ڕاگەیاندنی
فڕۆکەخانەی نێودەوڵەتی سلێمانی
#24-03-2020#

ئەمڕۆ ئێوارە 2023/4/7 کاتژمێر 4:18 خولەک لە نزیک سیاجی فڕۆکەخانەی نێودەوڵەتی #سلێمانی# تەقینەوەک روویدا کە تیایدا هیچ زیانێکی گیانی و ماددی نەبوو و بووە هۆی ئاگرکەوتنەوە، دەستبەجێ تیمەکانی بەرگری شارستانی فڕۆکەخانە گەیشتنە شوێنی ڕووداوەکە و ئاگرەکەیان کۆنترۆڵ کرد.
لە ئێستادا هێزەکانمان سەرقاڵی لێکۆڵینەوەن لە ڕووداوەکە و لە داهاتوودا زانیاری زیاتر بڵاو دەکەینەوە.
هاووڵاتییان و گەشتیارە بەڕێزەکان ئاگاداردەکەینەوە، کە هیچ گرفتێک لە فڕۆکەخانە نییە و گەشتەکان و کاروبارەکانی فڕۆکەخانە بەشێوەی ئاسایی خۆیان بەڕێوەدەچن.[1]

بەڕێوەبەرایەتی ئاساییشی
فڕۆکەخانەی نێودەوڵەتی سلێمانی