- ساڵی 1945 لە دایکبووە.
- شەش مانگ پێش دامەزراندنی کۆماری کوردستان لەدایکبووە.
- دوایین منداڵی #پێشەوا قازی محەمەد#ە.
- لە شاری #مەهاباد# گەورەبووە و خوێندوویەتی.
- قۆناخی دواناوەندیی لە تاران تەواوکردووە.
- لە تاران لەگەڵ سەردار بەگی جاف ژیانی هاوژینیی پێکهێناوە.
- خاوەنی سێ منداڵە بە ناوەکانی سیروان، سەیران و سۆما جاف.
- ڕۆژی #15-03-2020# لە شاری عەممان لە ئوردن کۆچی دوایی کرد.[1]

وەکوو کۆمەڵگای ژنانی ئازادی ڕۆژهەڵاتی کوردستان (کەژار) بە بۆنەی کۆچی دوایی #مریەم قازی# کچی مینا قازی و پێشەوا قازی محەمەد، سەرەخۆشیی خۆمان ئاراستەی گەلی کورد و بەتایبەت بنەماڵەی سەربەرزیان دەکەین. بێگومان لە دەستدانی کەسایەتیی وەکوو مریەم قازی کۆستێکی گەورەیە بۆ گەلی کورد و بەتایبەتی ژنی کورد کە میراتگری کۆماری کورستان و هەر وەها خەبات و تێکۆشانی گەلی کورد لە ڕۆژهەڵاتی کوردستانە.
دامەزراندنی کۆماری کوردستان دەرگایەک بوو بۆ نزیک کردنەوەی کورد لە هەر چوار پارچەی کوردستان و بەتایبەت ڕۆڵ و پێگەی ژنان بە پێشەنگایەتی مینا قازی لە کۆماری کوردستان و پەروەردە کردن و پێگەیاندنی ژنان خاوەن گرینگییەکی مێژووییە، لە ئێستا دا خەبات و تێکۆشانی ژنانی ڕۆژهەڵاتی کوردستان میراتی ئەوانە و ئێمەش هەتا گەیشتن بە خەون و ئاواتەکانیان کە کۆمەڵگایەکی ئازاد و یەکسانە لە خەبات و تێکۆشان ناوەستین و ئاستی تێکۆشانمان بڵیندتر و ڕێگایان بەردەوام دەکەین.
لە کۆتاییدا جارێکی دیکە سەرەخۆشی خۆمان ئاراستەی بنەماڵەی سەربەرزیان و هەر وەها گەلی کورد دەکەین و هیوای سەبووریان بۆ دەخوازین.
کۆمەڵگای ژنانی ئازادی ڕۆژهەڵاتی کوردستان (کەژار)[1]
#17-03-2020#