سەرۆکى پەڕڵەمانى کوردستان و جێگرەکەى بەردەوامن لە پەڕڵەمانى کوردستان و وەزارەتى دارایى حکوومەتى هەرێمیش نەسریەى مانگى ئایارى بۆ سەرۆکایەتى پەڕڵەمان خەرجکردووە.
سەرەڕاى بڕیارەکەى دادگاى فیدڕاڵى ئێراق لەبارەى هەڵوەشانەوەى پەڕڵەمانى کوردستان، بەڵام وەزارەتى دارایى نەسریەى مانگى 5ى پەڕڵەمانى کوردستانى خەرجکردووە و هەریەک لە سەرۆکى پەڕڵەمانى کوردستان و جێگرەکەى و سکرتێرى پەڕڵەمانى کوردستان نەسریەى ئەو مانگەشیان وەرگرتووە و بڕیاریانداوە بەردەوام بن لە دەوامکردن.

لە دواى بڕیارەکەى دادگاى فیدڕاڵى #هێمن هەورامى#، ئامادەنەبوو بێتە پەڕڵەمان و بڕیار واژوو بکات، بەڵام ماوەى چەند ڕۆژێکە گەڕاوەتەوە پەڕڵەمان کار دەکات.
هەریەک لە سەرۆکى پەڕڵەمان و جێگرەکەى بە فراکسیۆن و بە ستافى حزبەکەیان ڕاگەیاندووە، تاوەکوو بڕیارێکى سیاسى لەوبارەیەوە دەدرێت بەردەوام دەبن لە کار کردن.
هەفتەى ڕابردوو هێمن هەورامى، جێگرى سەرۆکى پەڕڵەمانى کوردستان هەفتەى ڕابردوو لەگەڵ بەڕێوبەر و ڕاوێژکارەکانى پارتى لە پەڕڵەمان کۆبۆتەوە و ئاماژەى بەوەکردووە، بەردەوام دەبن لە کارى پەڕڵەمانتارى تاوەکوو بڕیارى سیاسى لەوبارەیەوە دەردەچێت. [1]

کەئەمەی خوارەوە دەقەکەیەتی:
بەڕێزان سەرۆک و ئەندامانی مەکتەبی سیاسی و ئەنجوومەنی سەرکردایەتیی #پارتی دیموکراتی کوردستان#
‎بەبۆنەی 74 مین ساڵیادی دامەزراندنی پارتی دیموکراتی کوردستان، گەرمترین پیرۆزبایی خۆمان ئاڕاستەی بەڕێزتان و سەرجەم ئەندامان و لایەنگرانی پارتی دەکەین و هیوای بەردەوامی و سەرکەوتنتان بۆ دەخوازین..
‎بەڕێزان.. دیارە ساتەوەختی ئەم ساڵیادە هاوکاتە لە گەڵ چەندین پرسی ئاڵۆزو قورسی بوارەکانی سیاسی، ئابووری و تەندروستی و هەرێمی کوردستان لەسەر هەموو ئاستەکان لەگەڵ تەحەدیاتی گەورە ڕووبەڕووە، هەموو ئەمانەش لێمان دەخوازێت کەململانێی سیاسی و بەرژەوەندیی حیزبی و کێشە لا وەکییەکان وەلابنێین بەئاڕاستەی چارەسەرو لێکتێگەیشتنی هاوبەش هەنگاو بنێین، زمانی دیالۆگ و یەکتری قبوڵکردن بکەین بەبنەماو پێشمەرجی هەر گفتوگۆو هەوڵێکی چارەسەر بەئاراستەی پارێزگاریکردن لەقەوارەی سیاسیی هەرێم و پاراستنی سەروەرییەکانی و ئەولەویەتدان بەدۆزی ڕەوای گەلەکەمان لەناوچە کوردستانییەکانی دەرەوەی ئیدارەی هەرێم و ئارامی و سەقامگیریی هەرێمی کوردستان و خزمەتکردنی کوردستانییان و چارەسەرکردنی کێشەکانی بواری مووچه و خزمەتگوزارییەکان.
‎ئومێدەوارم ئەم یادە ببێتە هەوێنی لێکتێگەیشتنی زیاترو یەکخستنی ڕیزەکان و دۆزینەوەی خاڵی هاوبەش لەپێناو بەرژەوەندیی باڵای میللەتەکەمان و بەدیهێنانی خواست و داخوازییەکانی هاووڵاتییان.
‎جارێکی تر پیرۆزباییتان لێدەکەم هەر سەرکەوتووبن.
‎د.ڕێواز فایەق
‎سەرۆکی پەرلەمانی کوردستان
#16-08-2020#

بەبۆنەی 1ی ئایار ڕۆژی جیهانیی کرێکارانەوە، گەرمترین پیرۆزبایی لەسەرجەم کرێکارانی کوردستان و جیهان دەکەین، کرێکاران ڕۆڵێکی بونیادنەرانه و کاریگەرییان هەیە لەئاوەدانکرنەوه و بەرەوپێشەوەبردنی هەر وڵاتێک و شوێن پەنجەی کرێکارانی کوردستان و ڕەنج و تێکۆشانی پاک و دڵسۆزانەیان لە بووژاندنەوه و ئاوەدانکردنەوەی وڵاتەکەماندا مایەی شانازیی هەموو کوردستانیانە، لەم یادەدا پشتیوانی تەواوی خۆمان بۆ داواو مافە ڕەواکانی کرێکاران دەردەبڕین لەپێناو بەدیهاتنی ژیان و گوزەرانێکی شایستەتر بۆیان، زۆر بەداخەوە کە بەهۆی ڤایرۆس و پەتای کۆڕۆنا (کۆڤید19) کرێکاران لەهەموو جیهان ڕووبەڕووی سەختی و قەیرانێکی گەورەی بێکاری بوونەتەوە، کەئەمەش کاریگەریی ڕاستەوخۆی کردووەتەسەر ژیان و گوزەرانی ملیۆنان خێزان و ئەگەر لەوڵاتانی تر جۆرێک قەرەبوویان بۆ کرابێتەوەو لەمەترسیی هەژاری و نەداری پارێزرابن ئەوا لەعێراق و هەرێمی کوردستان نەمانتوانیوە ئەوەشیان بۆ بکەین و زۆرینەیان لەگەڵ خانەوادەکانیان لە خراپترین دۆخی ژیاندان، ئومێدەوارین لە ئایندەیەکی نزیکدا کرێکاران بەوپەڕی وزه و توانای جارانیان بگەڕێنەوە سەر کارەکانیان و دەرفەتی کاری زیاتریان بۆ بڕەخسێت و خاوەن کارو کۆمپانیاکان قەرەبووی کاری لەدەستچووی ماوەی ڕابردوویان بۆ بکەنەوە، هاوکات ئەرکی ئێمەیە لەپەرلەمان کە یاساکانی کارو دەستەبەری کۆمەڵایەتی بەجۆرێک ڕێکبخەینەوە کەئێستاو ئاییندەی کرێکاران مسۆگەر بکات.
جارێکی تر بەرزو پیرۆزبێت جەژنی کرێکاران، دروود بۆ گیانی پاکی هەموو ئه و کرێکارانەی کە لەکاتی کارکردندا گیانیان سپارد.
سەربەرزو سەرفراز بن.
د.ڕێواز فایەق
سەرۆکی پەرلەمانی کوردستان
#01-05-2020#

⚠️ تێبینی: کوردیپێدیا لە دروستیی ئەم بەڵگەنامەیە دڵنیا نییە، هۆکاری بڵاوکردنەوەی بۆ ئەوەیە کە لە پاشەڕۆژدا ڕاستی و دروستیی ئەم بەڵگەنامەیە بسەلمێندرێت.

دەقی پرسەنامەکەی بافڵ تاڵەبانی:
بەڕێز/ دکتۆر ڕێواز فایەق
‎سەرۆکی پەرلەمانی کوردستان
‎بەداخێکی زۆرەوە هەواڵی کۆچی دوایی کاک (محەمەد عەبدوڵا ڕەشید) باپیری بەڕێزتانم پێگەیشت.
‎ بۆ ئەم خەمە قووڵە پرسە و هاوخەمی خۆمان ئاڕاستەی بەڕێزت و بنەماڵە تێکۆشەرەکەتان دەکەم.
‎لەخوای گەورە داواکارم ڕۆحی کۆچکردوو شاد بکات و سەبووری و ئارامی بە هەموولایەک ببەخشێت.
‎دڵسۆزتان
‎بافڵ جەلال تاڵەبانی
‎24ی ئایاری 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی سەرۆکایەتی پەرلەمانی هەرێم:
پەیامی سەرەخۆشی
پرسە و هاوخەمی خۆمان ئاراستەی بەڕێز د. ڕێواز فائق سەرۆکی پەرلەمانی کوردستان دەکەین، بۆ کۆچیدوایی باپیری بەڕێزیان خوالێخۆشبێت (موحەممەد عەبدوڵڵا ڕەشید).
داواکارین لە خوای گەورە کۆچکردوو بە بەهەشتی بەرین شاد بکات، و سەبر و ئارامیش بە خانەوادە و کەسوکار و خۆشەویستانیان ببەخشێت.
انا للە وانا الیه ڕاجعون
پەرلەمانی کوردستان
2022/5/22[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی مەکتەبی سیاسیی #یەکێتیی نیشتمانیی کوردستان#:
هەڤاڵ دکتۆر ڕێواز فایەق
‏‎سەرۆکی پەرلەمانی کوردستان
‏‎بۆ کۆچی دوایی کاک (محەمەد عەبدوڵا ڕەشید)باپیری بەڕێزتان، پرسە و هاوخەمی خۆمان ئاڕاستەی بەڕێزت و بنەماڵە تێکۆشەرەکەتان دەکەین و لە یەزدان داواکارین ڕۆحی کۆچکردوو بە بەهەشتی بەرین شاد بکات و سەبووری و ئارامی بە هەموولایەک ببەخشێت.
انا للە وانا الیە ڕاجعون
مەکتەبی سیاسی
یەکێتیی نیشتمانیی کوردستان[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی ڕێواز فایەق:
بە داخ و کەسەرێکی زۆرەوە، هاوخەمیی قووڵ و سەرەخۆشی ئاڕاستەی خانەوادە و کەسوکار و هاوسەنگەرانی شەهیدی قارەمان ئاکام عومەر، فەرماندەی هێزەکانی کۆماندۆی کوردستان ئەکەم، هاوبەشی خەمی قووڵیانم، لەخوای دلۆڤان داواکارم گیانی فەرماندە ئاکام بەبەهەشت شاد بکات و ئارامی و دڵنەوایی بەخانەوادە و کەسوکاری ببەخشیت و دوا کۆست و ناخۆشی بنەماڵەکەیان بێت.
شەهید ئاکام گەنجێکی قارەمان و لێهاتوو و خوشەویست و جێمتمانەی نێو ڕیزەکانی هێزی پێشمەرگەی کوردستان بوو، ئازایانە بەشداری دەیان قارەمانێتی کردووە و ڕۆلی بەرچاوی لە سەنگەرەکانی ڕووبەڕووبوونەوەی تیرۆردا گێڕاوە، بۆیە کەلێنێکی گەورەی لە دوای خۆی بەجێهێشتووە و پڕکردنەوەی هەروا ئاسان نییە.
انا لله و انا الیه ڕاجعون
د.رێواز فایەق حسین
سەرۆکی پەرلەمانی کوردستان [1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی #ڕێواز فایەق#:
زۆر بەداخەوە هەواڵی کۆچی دوایی قەداسەتی پاتریارک مار ئەدای دووەم، سەرۆکی کەنیسەی کۆنی ڕۆژهەڵاتی عێراق و جیهان-مان پێگەیشت، بەم بۆنە خەمناکەوە پرسە و سەرەخۆشیی خۆمان ئاڕاستەی خوشک و برایانی کریستییان لە عێڕاق و کوردستان، سەرجەم پەیڕەوانی کەنیسەی کۆنی ڕۆژهەڵاتی دەکەین، داواکارین لە خوای گەورە سەبر و ئارامی بخاتە دڵی کەسوکار و ئازایزانی و گیانی کۆچکردوو بە بەهەشت شاد بکات.
د.ڕێواز فائق
سەرۆکی پەرلەمانی کوردستان[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی ڕێواز فایەق:
بەڕێز کاک کۆسرەت ڕەسوڵ عەلی.. سەرۆکی ئەنجوومەنی باڵای سیاسی و بەرژەوەندیی یەکێتیی نیشتمانیی کوردستان
زۆر بەداخەوە هەواڵی کۆچی دوایی دایکە (زوبێدە سەعید ئۆمەر)، دایکی ئازیزتانمان پێگەیشت، بەم بۆنە خەمناکەوە پرسە و هاوخەمیی خۆمان ئاراستەی جەنابتان و سەرجەم خانەوادە و بنەماڵە تێکۆشەرەکەتان دەکەین.
بە شکۆوە بەشداری لە خەم و ماتەمینیی دایکی یەکێک لە سەرکردە گەورە و مەزنەکانی نێو بزاڤی ڕزگاریخوازی گەلەکەمان و شۆڕشی نوێ دەکەین. داواکارین لە پەروەردگار سەبر و ئارامی بە هەموو لایەک ببەخشێت و خوالێخۆشبووش بە بەهەشتی بەرین شاد بکات.
انا للە وانا الیە ڕاجعون
د. ڕێواز فائق
سەرۆکی پەرلەمانی کوردستان[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!