خەندان ڕاماڵ قەسرەیی
بەپێی ئامارێکی بەڕێوەبەرایەتی گشتیی کاروباری مین، لە ماوەی شەش مانگی ڕابردودا لە سنووری پارێزگای هەولێر شەش ڕووداوی مین و تەقەمەنی ڕوویانداوه و به و هۆیەوە چەند هاووڵاتییەک گیانیان لەدەستداوه و بریندارو کەمئەندام بوون، هەر له و ماوەیەشدا زیاتر لە 6 هەزار مین و تەقەمەنیی نەتەقاوە لە ناوبراون.
زێبار خالید بەرپرسی ڕاگەیاندنی بەڕێوەبەرایەتی گشتیی کاروباری مین-ی هەولێر بە (خەندان)ی ڕاگەیاند: لە مانگی کانوونی دووەم تا مانگی حوزەیران، حەوت ڕووداوی مین و تەقەمەنی لەسنووری پارێزگای هەولێر ڕویان داوەوە به و هۆیەشەوە دوو کەس گیانیان لەدەستداوە کە یەکێکیان ئافرەت بووە و پێنجی تریش بریندار بوون و قاچیان پەڕیوە، وتیشی: بەبەراورد بە شەش مانگی ساڵی ڕابردوو ڕوداوەکانی مین و تەقەمەنی بەرێژەیەکی بەرچاو کەمی کردوە.
زێبار خالید وتیشی: تەوای ڕووداوەکانی سنووری پارێزگای هەولێر لەسنووری قەزاکانی چۆمان و سۆران و ڕواندز و مێرگەسور تۆمارکراون، ئەمەش بە هۆی ئەوەی کە ڕووبەرێکی بەرفراوان لە سنووری ئەو چوار قەزایە بە تایبەت لە هەردوو قەزای سۆران و چۆمان، بە مین چێنراون، هۆکارەکەشی ئەو پاشماوە سەربازیانەیە کە مێژوویان دەگەڕێتەوە بۆ سەردەمی ڕژێمی بەعسی لە ناوچوو.
بەرپرسی بەشی ڕاگەیاندنی بەڕێوەبەرایەتی گشتیی کاروباری مینی هەولێر هۆکاری ڕووداوەکانی گەراندەوە بۆ ناشارەزایی هەندێک له و هاوڵاتیانەی بەمەبەستی جیاجیا ڕوو له و ناوچانە دەکەن، کە مین و تەقەمەنیان تێدایە، بەشێکی تریشیان پەیوەندیی بە پابەندنەبوونی هەندێک لە هاوڵاتیانەوە هەیە بە پەیام و ڕێنماییەکانی هۆشیارکردنەوە لە مەترسییەکانی مین و تەقەمەنی و نزیک کەوتنەوەیان لە ناوچە مینرێژەکان.
سەبارەت بەکار و چالاکیەکانیشیان زێیار خالید وتی: لە ماوەی شەش مانگی ڕابردوودا لە سنووری پارێزگای هەولێر، لە لایەن بەشی چالاکییەکانی هەڵگرتنەوەی مین لە بەڕێوەبەرایەتی گشتیی مینی هەولێر، زیاتر لە شەش هەزار و 400 مین و تەقەمەنیی نەتەقاوەی جۆراو جۆر لە ناوبراون و هەشت کێڵگەش لە سنوری قەزاکانی سۆران و چۆمان و مێرگەسۆر و شەقلاوە لە مین و پاشماوەی سەربازیی پاککراوەتەوە کە تێکرایی ڕووبەرەکانیان دەگاتە 441 هەزار و 936م مەتر چوارگۆشە.
وتیشی: هەر لە ماوەی ئەم شەش مانگەدا لە لایەن تیمی لە ناوبردنی تەقەمەنیە نەتەقاوەکان-ی بەڕێوەبەرایەتی گشتیی مینی هەولێر، ڕووبەری زیاتر لە 106 هەزار و 450مەتر چوارگۆشە بە چاو پشکێنراوه و هەروەها زیاتر لە 213 هەزار مەتر چوارگۆشەی دیکە بە شێوەیەکی هەمیشەیی نیشانەکراوە.
بەرپرسی ڕاگەیاندنی بەڕێوەبەرایەتی گشتیی کاروباری مین-ی هەولێر باسی لەوەشکرد کە خولی ڕاهێنان لە بوارەکانی مین لابرنی بنچینەیی و دڵنیایی جۆری و هۆشیارکردنەوە و یاریدەدەری پزیشکی و ڕوپێوی ئەنجامدراوە.
بە پێی دواین ڕووپێوی کە ئەنجامدراوە، لە سنوری پارێزگای هەولێر 412، ناوچەی مینرێژکراو هەیە کە تێکرای ڕووبەرەکانیان دەگاتە (333) کیلۆمەتر چوارگۆشە.
- 05-07-2013

لە مانگی تشرین یەکەمی ساڵی 1988 لەژێر ناوی (بەڕێوەبەرایەتی مین هەڵگرتنەوە) وەک بەشێک لەناو دیوانی وەزارەتی مرۆڤایەتی و هاوکاری لە ئیدارەی ئەو کاتەی سلێمانی دامەزرا بۆ هاوکاری و هاریکاری ڕێکخراوی UNOPS-MAP لە ماوە بوونی UN لە کوردستان دا کارەکان لەلایەن ئەوانەوە بەهاوکاری بەڕێوەبەرایەتی بەڕێوە دەچوو لەگەلڕ ئەوەشدا ئەو بەڕێوەبەرایەتی یە هەوڵەکانی خۆی چڕکردەوە بۆ بەخۆماڵی کردنی بەڕنامەکە و ئەو هەوڵانەش دامەزراندنی ڕێکخراوی پیرمام و باواجی و هۆشیاری لێکەوتەوە کە لە ئێستادا جێپەنجەی کارەکانیان لەبواری پاکسازی مین و تەقەمەنی دا دیار و بەرچاوە.
دوای نەمانی UN یش لە عێراق و کشانەوەیان لە بواری بەرنامەی چالاکی مین بەشێوەیەکی ڕاستەوخۆ بەرنامەکە لەڕووی ڕاپەراندنی کارەکانەوە لەلایەن حکومەتی هەرێمەوە سەربەست کراو بۆ ئەو مەبەستەش (بەڕێوەبەرایەتی مین هەڵگرتنەوە) زیاتر فراوان کراو لە ساڵی 2004ەوە بوو بە (بەڕێوەبەرایەتی گشتی کاروباری مین) کە ڕاستەوخۆ سەر بە وەزارەتی پەیوەندی و هاوکاری سەر بە ئیدارەی سلێمانی بوو، دوای یەکگرتنەوەی هەردوو ئیدارەی سلێمانی و هەولێر جارێکی تر (بەڕێوەبەرایەتی گشتی کاروباری مین) خرایە ژێر چاودێری (وەزارەتی هەرێم بۆ کاروباری دارایی و ئابووری) مانگی تەمووزی ساڵی 2006 ەوە، تا ئێستاش بەرنامەکە بەو جۆرە بەردەوامە کە لە ڕووی ئاماری کاری ڕاپەراندوە بەرهەمی چالاکیەکانی پاکسازی و هۆشیاری زۆر زیادی کردووە لەگەشە سەندنە.

دەزگای گشتی کاروباری مین دەزگای مین یەکێکه له دامەزراوەکانی حکومەتی هەرێمی کوردستانە و سەر بە ئەنجومەنی وەزیرانە. ئەرکەکانی بریتین لە جێبەجێکردن و سەرپەرشتیکردن و چاودێریکردنی کاروچالاکی بوارە جیاجیاکانی کاروباری مین وەک پاککردنەوەی کێڵگە مینەکان، هۆشیارکردنەوە لە مەترسییەکانی مین و تەقەمەنییەکانی پاشماوەی جەنگ، یارمەتیدانی قوربانیانی مین و لە ناوبردنی مین و تەقەمەنی کەڵەکەکراو هەروەها داکۆکیکردن لە پەیماننامە و هەڵمەتەکانی ناوخۆ و جیهانییەکان دەربارەی قەدەغەکردنی مین و تەقەمەنی لە کوردستانی عێراق. دەزگای مین کاردەکات بۆ کەمکردنەوەی کاریگەری مەترسییەکانی مین و تەقەمەنییەکانی پاشماوەی جەنگی لەسەر خەڵکی کوردستان لە ڕێگای هۆشیارکردنەوە، نیشانەرێژی، پاککردنەوەی زەویە مینڕێژکراوەکان و ڕادەستکردنەوەیان بۆ خاوەنەکانیان و دەزگاکانی حکومەت بۆ ئەوەی دووبارە بەکاریان بهێننەوە و ببنە بەشێک لە پرۆژە خزمەتگوزارییەکانی ئاوەدانکردنەوە و وەبەرهێنان و گەشتوگوزار بۆ بەشداری کارا لە ئاوەدانکردنەوەی ژێرخانی ئابووری کوردستان.[1]

خەندان ڕەهێل سەمەد
بەگوێرەی ئامارێکی دەزگای گشتی کاروباری مین لەماوەی 2013 لەسەرتاسەری هەرێمی کوردستان 56 کەس بەهۆی تەقینەوەی مین بونەتە قوربانی کە زۆربەیان لە سنوری پارێزگای سلێمانین.
ئاکۆ عەزیز بەرێوەبەری هۆشیارکردنەوە لە دەزگای گشتی کاروباری مین بە خەندانی ڕاگەیاند: لەماوەی ساڵی 2013 لەسەرتاسەری هەرێمی کوردستان 56 کەس بەهۆی ڕووداوەکانی مین بونەتە قوربانی، له و ژمارەیە 12گیانی لە دەستداوە و 42 کەسی تر برینداربوون.
ئاکۆ عەزیز وتیشی: هەرله و ژمارەیەی بەهۆی تەقینەوەی مین بۆنەتە قوربانی، 11یان لە هەولێر و 29 لەسلێمانی و 13 لە دهۆک و 3 کەسی تر لە سوری گەرمیان بوون، هاوکات لەکۆی ئه و ژمارەیە پێنج کەسیان لەرەگەزی مێ و 51 کەکەی تر لەرەگەزی نێرن.
بەرێوەبەری هۆشیارکردنەوە لە دەزگای گشتی کاروباری مین ئەوەشی خستەروو: بەگوێرەی ئه و ئامارانە دەرکەوتووە زۆربەی ڕووداوەکانی تەقینەوەی مین بەهۆی دەستکاریکردن بووە، ئەوانەشی بونەتە قوبانی 16کەسیان لە خوار تەمەنی 18ساڵین و 40 کەسەکەی تر لەسەرووی ئه و تەمەنەن.
بەوتەی بەرپرسانی دەزگای مین هەرچەندە لەماوەی 22ساڵی ڕابردوو سەدا 20 ناوچە مین ڕێژکراوەکان پاککراوەتەوە، بەڵام لەکاتی ئێستا زیاتر لە سێ هەزار ناوچەی ترماوە لەمین و تەقەمەنی پاککبکرێتەوە.
بەهۆی جەنگەکانی ڕژێمی بەعسی لەناوچوو لەگەڵ وڵاتی ئیران و هێزەکانی پێشمەرگە ناوچە سنوریەکانی نێوان عێراق و ئێرانی مین ڕێژکرد، کە بەشێکی زۆری دەکەوێتە سنوری هەرێمی کوردستان، بەهۆی تەقینەوەی هەندێک لەوانە چەندین کەس بونەتە قوربانی و کەمئەندام بوون.
#31-12-2013#

دواڕۆژ، کۆچەر عەلی
بەرپرسێکی دەزگای کاروباری مین ڕایدەگەیەنێت: بەهۆی بەردەوامیی کارەکانیان لە پاکردنەوەی پاشماوەی مین، بۆ پلانی ساڵی داهاتوو پێویستیان بە 20 ملیار دینار هەیە و ئەمڕۆش داوای ئه و بوجەیەیان لە #وەزارەتی دارایی# کردووە.
نیازی خالید، بەڕێوەبەری گشتی دیوانی دەزگای گشتی کاروباری مین لە هەرێمی کوردستان بە دواڕۆژی ڕاگەیاند: پلان و ڕاپۆرتی کارەکانی دەزگای گشتی کاروباری مین بۆ ساڵی 2019 تەواو بووه و بەپێی ئه و خەملاندنە داراییەی کە بۆ ساڵی 2019 دیاریکراوە، دەزگاکە پێویستی بە 20 ملیار دینارە.
بەڕێوەبەری گشتی دیوان لە دەزگای مین وتیشی: بۆ ئەم مەبەستە ئەمڕۆ لەگەڵ لیژنەی ئامادەکردنی بوجەی وەزارەتی دارایی کۆبووینەوه و داوای ئه و بوجەیەمان کردووە، هەردوو ڕێککەوتین بۆ پێدانی بڕی پارەکە ئەگەر هیچ کێشەیەکی ئابووری ڕوونەدات.
نیازی خالید، ئاماژەی بەوەشکرد: لە ئێستادا دەزگای مین لە ڕێگەی تیمەکانی هەڵگرتنەوەی پاشماوەکانی مین و تەقەمەنی لە 11 کێڵگەی مینرێژکراو کار دەکات کە هەندێکیان بۆ سەردەمی شەڕی نێوان ئێران و عێراق دەگەڕێتەوە و بەشێکیشی بۆ سەردەمی شەڕی #داعش# کە بڕی تێچووی ئه و کارانەش وڵاتی ژاپۆن دابینیکردووە کە 20 ملیارو 100 ملیۆن دینارە.[1]
#13-09-2018#