بەناوی خوای گەورە و میهرەبان
بەڕێزان سکرتێر و ئەندامانی سکرتارییەتی کۆمەڵەی خوێندکارانی کوردستان
بەبۆنەی یادی 39 ساڵەی دامەزراندنی کۆمەڵەی خوێندکارانی کوردستان گەرمترین پیرۆزبایی ئاراستەی ئێوەی خۆشەویست دەکەم و هیوای سەرکەوتنی زیاترتان بۆ دەخوازم.
مێژووی بزاڤی ڕزگاریخوازیی گەلەکەمان پڕە لەو لاپەڕانەی کە ئێوەی لاوان و قوتابی و خوێندکارانی کوردستان خاوەنی شانازییەکەیانن، قوربانیدانی لاوانی وڵاتەکەمان لەپێناو بەرگرییکردن لە خاک و گەلەکەمان، هۆیەکی سەرەکیی مانەوە و سەرکەوتنی خەباتی ئازادیخوازانەمانە.
وەکچۆن ڕۆڵی خوێندکاران و قوتابیان و لاوان لەو خەبات و تێکۆشانەدا ڕۆڵێکی کاریگەر بووە، ئێستاش کە گەل و وڵاتمان بەرەوڕووی شەڕێکی داسەپاوی دوژمنێکی دڕندە بۆتەوە و لە شەڕێکداین کە شەڕی مان و نەمانە، ڕۆڵی ئێوە زۆر هەستیارتر و گرینگترە و لە کاتێکدا شەرەفی پێشمەرگایەتی و پاراستنی گەل و وڵاتەکەتان وەدەست هێناوە، پێویستە بە هەمان هەستی پێشمەرگانەوە ڕێگە لە بڵاوبوونەوەی بیری توندڕۆیی بگرن و بەرپەرچی ئەو هەوڵانە بدەنەوە کە بۆ بێ ئیرادەکردن و لاوازکردنی هەستی نیشتیمانپەروەری لای گەنجانی وڵاتمان لەئارادایە. گەلێک خاوەنی نەوەیەکی هۆشیار و بڕوابەخۆبوو بێت ئاییندەیەکی گەش چاوەڕوانیەتی.
هەر شاد و سەرکەوتوو بن
مسعود بارزانی
سەرۆکی هەرێمی کوردستان
26ی4ی2015

هەڤاڵانی بەرێز: سکرتێر و ئەندامانی سکرتاریەتی #کۆمەڵەی خوێندکارانی کوردستان#
سڵاو ڕێز...
لە(44)ەمین ساڵرۆژی دامەزراندنی کۆمەڵەی خوێندکارانی کوردستان بەناوی فراکسیۆنی سەوز لە پەرلەمانی کوردستان گەرمترین و جوانترین پیرۆزباییتان ئاڕاستە دەکەین، لە ڕێگەی ئێوەی ئازیزەوە پیرۆزبایی ئاڕاستەی سەرجەم ئەندامان و لایەنگرانتان دەکەین، هیواخوازین وەک هەمیشە لە سەرکەوتن و پێشکەوتندابن لەپێناو زیاتر خزمەتکردن و دەستەبەرکردنی مافەکانی خوێندکاران و بەرەوپێشبردنی بواری پەروەردە و خوێندنی باڵا لە هەرێمی کوردستان.
کۆمەڵەی خوێندکاران لەمێژووی زێرینی (44) ساڵەی تێکۆشانی خۆیدا، لە ڕۆژگارە سەختەکانی خەباتی شاخ، وەک ڕێکخراوێکی پیشەیی کارا لەجۆشدانی هەستی شۆرشگێری و نیشتمان پەروەری و فیداکاری ڕۆڵی دیارو بەرچاوی هەبووە، بێگومان لەدوای ڕاپەرینی ڕزگاریش کۆمەڵەی خوێندکاران لەبەرەوپێشبردنی پڕۆسەی خوێندن و پێگەیاندنی نەوەیەکی هۆشیار و گۆشکراو بە زانست و زانیاری سەردەم پێشەنگ بووە.
هیوادارین لە هەلومەرجی ئێستاشدا ئەم یادە پیرۆزە بکەنە وێستگەیەک بۆ داڕشتنی بناغەیەکی پتەوتر و باشتر بۆ کارەکانی ئایندە.
جارێکی تر پیرۆزبایی خۆمتان ئاراستە دەکەین، وەک هەمیشە ئومێدی سەرکەوتن و پێشکەوتنی بەردەوامتان بۆ دەخوازین
فراکسیۆنی سەوز لە پەرلەمانی کوردستان
#25-04-2020#

نوسینی سەروەر عبدولڕەحمان عومەر

شوێن: #هەولێر#
ڕۆژ یان ساڵی گیرانی وێنەکە: 1993
کەسایەتییەکانی ناو وێنەکە: کۆمەڵێک لە کادیرە پێشکەوتووەکانی کۆمەڵەی خوێندکارانی کوردستان لە بارەگای مەکتەبی سیاسیی #یەکێتیی نیشتمانیی کوردستان# لە شاری هەولێر، وەستاوەکان لە ڕاستەوە: هیوای لاوان، پێشەوا حاجی شەمسەدین #تەقتەق# ی، ئیبراهیم فارس بالیسانی، دانیشتووەکان لە ڕاستەوە: دڵزار ئەسعەد، سەلام عومەر ئەحمەد - سەلام #قەراج# ی، کەیفی عەبدوڵڵا فەتحوڵڵا - #کەیفی عەبدوڵڵا شێخانی# لێپرسراوی کۆمەڵەی خوێندکارانی لقی هەولێر، سالم تەها بیرەباتی، ئیبراهیم عومەر، ئەمیر نامیق، شوکر هەولێری، ماکۆک شێخ محەمەد.
ناوی وێنەگر: نەزانراوە.[1]

لە ساڵرۆژی دامەزراندی کۆمەڵەی خوێندکارانی کوردستاندا #کۆسرەت ڕەسوڵ عەلی# پەیامێکی پیرۆزبایی ئاراستەی کۆمەڵەی خوێندکارانی کوردستان دەکات.
دەقی پەیامەکە....
هەڤاڵان و ئەندامان و لایەنگرانی کۆمەڵەی خوێندکارانی کوردستان ساڵڕۆژی دامەزراندنی کۆمەڵەی خوێندکارانی کوردستان لە ئێوە و سەرجەم خوێندکاران پیرۆز دەکەم، ئومێد دەکەم ڕێکخراوە بە گڕوتینێکی ترەوە کاربکەن و خزمەتی خوێندکاران و پڕۆسەی پەروەردە و فێرکردن و پێشخستنی ئاستی زانستی بکەن. بە شانازییەوە، ئەوێ ڕۆژێ لە #کەرکووک#ی سەری کوردستان، لەگەڵ کۆمەڵێک لە هەڤاڵانم لە ماڵی هەڤاڵ محەمەد خورشید بەیاننامەی دامەزراندنی کۆمەڵەی خوێندکارانی کوردستان و پەیڕەو و پرۆگرامی ئەو کۆمەڵەیەمان نووسی و دامانمەزراند، کە بۆ ئەوێ ڕۆژێی خەبات ڕۆڵێکی یەکجار گرنگی هەبوو لە وشیارکردنەوەی خوێندکاران و برەودان بە ڕۆحی شۆڕشگێڕی لەنێو خوێندکاراندا. لەماوەی تەمەنی خۆیدا، کۆمەڵەی خوێندکارانی کوردستان یەکێک بووە لە چالاکترین ڕێکخراوەکان بۆ خزمەتکردنی خوێندکاران و ڕەخساندنی هەلی گونجاو بۆ پێشخستنی ئاستی خوێندن و بەشداری کردن لە چالاکییە نیشتمانی و نەتەوەییەکان لەنێو خوێندکاران، بۆ ئەمڕۆش ئومێد دەکەم وەک چۆن ئەوێ ڕۆژی ئێمە بە ڕۆحێکی شۆڕشگێڕانەی کوردانەوە ئەم کۆمەڵەیەمان دامەزراند، ئاوا بەگڕوتینەوە دەست بکەنەوە بە کارکردن و خزمەتی خوێندکاران بکەن و خەبات بکەن لەپێناو بەرەوپێشبردنی تواناکانی خوێندکاران و ڕەخساندنی زەمینەی گونجاو بۆ ئەوەی خوێندکاران بە زانست و زانیاری پێشکەوتوو ببنە بەشێک لە پێشکەوتنەکانی کۆمەڵگاکەمان. دووبارە پیرۆزبایی خۆمتان لێ دەکەم و لەم یادەدا دروود بۆ گیانی پاکی سەرجەم شەهیدان بەگشتی و خوێندکارانی شەهید بەتایبەتی دەنێرم. کۆسرەت ڕەسول عەلی سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

[1]

#کۆمەڵەی خوێندکارانی کوردستان# 1991-1996
لێکۆڵەران: زانا یادگار ستار-دڵشاد مەحموود عەبدولڕەحمان
گۆڤاری زانکۆ بۆ زانستە مرۆڤایەتییەکان-#زانکۆی سەڵاحەدین#؛ بەرگی 27؛ ژمارە 5؛ ساڵی (2023). [1]
=KTML_Link_External_Begin=https://www.kurdipedia.org/docviewer.aspx?id=555220&document=0001.PDF=KTML_Link_External_Between=کلیک بکە بۆ خوێندنەوەی کۆمەڵەی خوێندکارانی کوردستان 1991-1996=KTML_Link_External_End=

کۆمەڵەی خوێندکارانی کوردستان لە دەرەوەی وڵات، پۆستەری شەهید شەهاب شێخ نوری
بە هەزاران هەزار دەست و تفەنگ...
هەڵدەگیرسێننەوە مەشخەڵی جەنگ...
Kurdish Revalutionary Martyr
Comrade SHAHAB SHEKH NORI
Association of Kurdistan Students Abroad [1]

ناونیشانی پەڕتووک: کۆمەڵەی خوێندکارانی کوردستان لەدەرەوەی وڵات ساڵی 1975-1988
ناوی نووسەر: #نەوزاد عەلی ئەحمەد#
شوێنی چاپ:
چاپخانە: مەکتەبی ڕاگەیاندنی (ی. ن. ک)
دەزگای پەخش: بیر و هۆشیاری یەکێتی
ژمارەی چاپ: یەکەم
[1]