بەناوی خودا
بەیاننامەی کۆمەڵەی پیشمەرگە دێرینەکان
ئێمه وەک پێشمەرگه دێرینەکان کە تەواوی تەمەنی خۆمان بۆ خزمەتی خاکی کوردستان بەسەربردووە، چەندین ئازیز و هاوڕێمان بوونەتە قوربانی ڕزگاریی کوردستان، به گیانی بێلایەنی و خۆشه ویستیمان بۆ هەموو لایەک، بە تێگەیشتمان لەباری ناسکی جیهانی و ئیقلیمی و ناوەکییەکانمان، ئەو بەیاننامەیەی خوارەوەمان دەرکرد که بریتیه له داواکاری زۆرینەی خەڵکی کوردستان.
داواکارین لە برایانی (پ د ک – ی ن ک- پ ک ک) بە لەبەرچاوگرتنی بەرژەوەندییە باڵاکانی کوردستان و ڕێگرتن لە پیلان و خەونی دوژمنان و داگیرکەرانی کوردستان بەزووترین کات له زینی وەرتێ بکشێنەوه، پێشوازی لە ڕوونکردنەوەکەی وەزارەتی پیشمەرگە دەکەین کە دەڵێت ئەوهێزانە کاتین لەوێ و دەیانکشێنینەوە، دەنگی خۆشمان دەخەینە پاڵ دەنگی دانیشتوانی وەرتێ و دۆڵی شاورێ و ناوچەکە، کە لە یاداشتێکدا داوایان لەسەرجەم ئەو هێزانە کردووە لە ناوچەکە پاشەکشە بکەن، مانەوەی ئەو هێزانه لەبەرامبەریەکدا تەنها خزمەتکردنی ناحەزانی کورده، به دیلی نەکشانەوەش واتای ئەوەیه بەدەستی خۆمان ئاگر بەردەدەین له دوا خەرمانی خۆمان، چاوەڕوانین وەڵامی هەر سێ لایەنەکەین که بەزووترین کات بەدەم ئەو داواکاریانه بێن و خزمەتی ئەو میللەتە بکەن، خەم لە مووچە و باری هەژاران و چارەنووسی کوردستان بخۆن.
کۆمەڵەی پێشمەرگه دێرینەکان
هەولێر
#17-04-2020#

بەرێز #نادیە موراد# هەڵگری خەلاتی نۆبلی ئاشتی
کومەڵەی #پێشمەرگە# دێرینەکانی کوردستان بەشانازییەوە گەرمترین پیرۆزبایی وەرگرتنی خەلاتی نۆبڵی ئاشتی-تان لێدەکات، کەسالانە دەدرێتە ئەو کەسانەی خزمەتی گەشەپێدانی زیاتری ئاشتی دەکەن.
ئێمە وەک کۆمەڵەی پێشمەرگە دێرینەکانی کوردستان دلنیاین لەهەوڵ تەقەلاکانی بەرێزتان لەپێناو کارکردن بۆ بەجینۆسایدناساندنی تاوانەکانی شەنگاڵ، کەلەبەرامبەریدا گەورەترین خەلاتی ئاشتیت پێ وەرگرت، هیوادارین لەپاڵ هەولەکانت بۆ بەجینۆسایدناساندنی تاوانی شەنگال کاربکەیت بۆ بەحینۆسایدناسانی تێکرای ئەو تاوانە دژە مرۆڤایەتیانەی کەلەرابردوودا لەدژی خەڵکی کوردستان و تەواوی گەلانی زوڵملێکراو ئەنجامدراون.
خەلاتەکەی بەرێزتان مانای گەورەو دەنگدانەوەی گەورەتری لەناوەندە نێودەوڵەتییەکاندا هەیە ئەم خەلاتە تەنیا ئەو ڕاستییەمان پێ ناڵێت کە وەکو کچە کوردێکی ئێزدی قێزەونترین کردەی نامرۆیت بەرامبەر ئەنجامدراوە، بەڵکو بەکومەڵگەی نێودەوڵەتیشیت ڕاگەیاند کەتائێستاش گەلێک گروپی خوێنمژی وەک #داعش# خۆیان مەلاسداوە و لەژێۆ پەچەی ئاینی پیرۆزی ئیسلامدا کالفامانە کردەی قێزەون لەدژی گروپە ئاینییەکانی تر ئەنجام دەدەن
کارەکانی بەرێزت لەپێناو ئاشتی و هەڵمالینی ڕووی ڕاستەقینەی گروپە تیرۆریستییەکان تەواوکەری ئەو هەولانەیە کەهێزی پێشمەرگەی کوردستان دەیان سالە خەباتی بۆ دەکات.
سەرکەوتوو بیت شایستەی وەرگرتنی خەلاتەکە بویت
هەربژیت
#جەمیل هەورامی# سەرۆکی کۆمەلەی پێشمەرگە دێرینەکانی کوردستان
#06-10-2018#