گەڕانی لێڵ یان بە ئینگلیزی (Fuzzy Search) ئەو گەڕانەیە کە مەرج نییە وشە یان دەستەواژەی گەڕان وەک خۆی بنووسرێت! ئەنجامەکە بەو شێوەیە دەبێت کە وشە یان دەستەواژە نزیکەکانیش لە ئەنجامەکەدا پیشان دەدات.
ئەم فیچەرەی کوردیپێدیا کێشەی ئەو بابەتانە چارەسەر دەکات کە کێشەی ڕێنووسیان هەیە یان ڕێککەوتنێکی ڕوون لە ڕێنووسەکەیاندا نییە.
فیچەرەکە لە ئێستا تەنیا بۆ شێوەزمانی کوردیی ناوەند چالاکە.
بە چێککردنی چێک-بۆکسی گەڕانی لێڵ، ماشێنی گەڕانی کوردیپێدیا لە وشە نزیکەکانیشدا دەگەڕێت. یاخود ئەگەر بەکارهێن تەختەکلیلی کوردیی ناوەندی نەبوو ئەوا بەکارهێن دەتوانێت لە جیاتی بۆ نموونە هەولێر بنووسێت هةولير ! ئەوکات لە ئەنجامی گەڕانەکەدا هەولێر پیشاندەدرێت.
ئەگەر دوکان بە یەک واو بنووسرێت ئەوا لە ئەنجامەکەدا وشەی دووکانیش پیشاندەدرێت.
ئەگەر هاوڵاتی بە یەک واو بنووسرێت ئەوا لە ئەنجامەکەدا وشەی هاووڵاتیش پیشاندەدرێت و هتد.
گەڕانی لێڵ بۆ پیتەکانی ر، ب، ف، ل، آ، أ، ؤ و زۆری تر گونجێنراوە کە لە کاتی گەڕانەکەدا ئەو پیتانە دەگۆڕێت بۆ ڕ، پ، ڤ، ڵ، ا، ا، ۆ و هتد.

ئەم فیچەرە لایەنی باش و خراپی هەیە:
لایەنە باشەکەی ئەوەی کە لە زۆربەی کاتدا ئەنجامێکت دەستدەکەوێت.
لایەنە خراپەکانی ئەوەیە کە بەکارهێن تەمبەڵ دەکات بۆ بەکارهێنانی تەختەکلیلی کوردی و هەوڵدان بۆ پاکنووسی و گەڕان بەهۆی ڕێنووسێکی پوختەوە. هەروەها ئەم فیچەرە وادەکات کە دەستکەوتنی ئەنجامەکە خێرا نەبێت، چونکە ماشێنی گەڕانەکە بەدوای چەند وشەیەکی ئەڵتەرناتیڤدا دەگەڕێت لە جیاتیی تەنها وشەیەک!.

ئەرشیڤوانانی کوردیپێدیا پێویستە لۆگین بکەن تاوەکو تەواوی یارمەتییەکانی تۆمارکردن و باشترکردنی بابەت ببینن!

ورود به سیستم