دوو پشقڵی بکردایە، گۆشتی دەخورا
چوارپێی ئاژەڵی وردەی وەکو مەڕو ماڵات پاشەڕۆکەکەی پشقڵە(پشکڵ)، لەکوردەواریدا پشقڵ زۆر سوودی لێ بینراوە(وزەی سەوز) ئەژماردەکرێت بۆ خۆگەرمکردنەوە و چێشتلێنان و زبڵەکەشی بووە بە پەیینی ئاژەڵی و ڕووەک سودی لێ بینیووە، ئەوە لەلایەک و لەلایەکیترەوە ئاژەڵەکەش کۆمەلێک سوودی گۆشت و شیر و خوری و داهاتی هەیە، هەموو ئەمانە وایکردووە، ئەگەر یەکێک زۆر بێ عاقڵ و کەودەن و نەفام و کاڵفام بێت، بەتەوسەوە پێ دەوترێت: دوو پشقڵی بکردایە، گۆشتی دەخورا.[1]