دەڵێی کەری گاڕانێیه
گاڕان، گایەل و گاگەلیشی پێ دەوترێت، پێشتر هەر گا بووە، دواتر بۆ نێر و مێی وشەی(کەڵەگا)و(مانگا) زیادبووە، بۆیە بە کۆمەڵەکەی وتراوە: گاڕان(ڕانەگا) و گاگەل و گایەل، مانگا یان چێڵ(چێر) زۆرینەی گاڕان پێکدەهێنن، گوێدرێژ، کەر یەک دانەیە لەناو گاڕان، بۆ هاوکاریکردنی گاوانەکەیە، تێڕکەکەی سەرپشتی تێشوو و ئاو و بزگوڕی گاوانەکەی تێدایە، کەواتە لە ڕووی پۆلەوە کەرەکە تەواو لە پۆلی گایەکان جیاوازە، ئینجا ئەوە کراوە بە ئیدیۆم و بەکەسێکی ڕێزپەڕ و(شاز) و جیاواز لە دەوروبەرەکەی بەتەوس و گاڵتەوە دەوترێت(دەڵێی کەری گاڕانێیە) لە ڕواندزێ دەوترێت(ئەرێ کەرێ گاڕانێیە) [1]