هێرۆ، گوڵە هێرۆ، هەڵمەڵە یان هەرمەڵە، ڕووەکێکە لە تیرەی هەرمەڵەیەکان (Malvaceae) و لە بنەماڵەی ئالسیا. ئەم گوڵە لە کوردستاندا بە چەندین ڕەنگ لە دەست پێکردنی بەهاردا شین دەبێ، گوڵێکی ناسک و گەورە دەگرێ. سێ ڕەنگی سەرەکی مۆر، سپی و زەردی هەیە و باڵای تا یەک تا دوو مەتر بەرز دەبێ. تەمەنی گوڵەکەی نزیکی 25 ڕۆژە. هێرۆ بۆ دەرمانی هەڵامەت و کەمکردنەوەی ژان دەشێ. ئەم گوڵە ڕەنگ و ڕەواڵەتێکی جوانی هەیە، بەس بۆنی نیە، #نالی# لە بەیتێکدا دەڵێ:
نەمبیستووە هەرگیز لەدەمت بێنی وەفایێ
هەرچەندە سەراپا گوڵی، ئەمما گوڵی هێرۆ