نووسینی: مایکل بۆراوۆی
وەرگێڕانی: ئەرسەلان حەسەن
#دەزگای ئایدیا بۆ فکر و لێکۆڵینەوە#
لە یەکەم ڕوانیندا مارکسیزم و ئەنارشیزم وەک دووانەیەکی لێکدژ دێنەپێشچاو. لە دوو دوژمنی سەرسەختی یەکتر و [لە هەمان کاتیشدا] تەواوکەری یەکتر دەچن. لە لایەک (تاکەکان) هەیە، لە لایەکەی دیکە (چینەکان)؛ (ئازادی) لە لایەک و (دەسەڵات) لە لاکەی دیکە، (کۆمۆنە) لە لایەک و (دەوڵەت) لە لاکەی دیکە؛ (خۆڕسکی) لە لایەک و (ڕێکخستن) لە لایەکی دیکە؛ هەروەها بەو شێوەیە. لەگەڵ ئەوەی هەریەکەیان نەفرەتی خۆی دەنێرێت بۆ ئەوی دیکەیان، هاوکات لە ململانێشدایە لەسەر ئاستی خواستەکانی، تێزەکانی، پڕاکتیکەکانی، تەنانەت دروشمەکانی، بەڵام مێژوو، لەبری ئەوە، (خەرەند (ێک یاخود (دەریا (یەکی لەنێو ئەم دوو دۆکترینەدا خوڵقاندووە. [1]