سەبارەت بە دۆسیەی تۆمەتبار (ه م ا) کە لە میدیاکان و تۆڕەکۆمەڵایەتییەکان باسدەکرێت، ئەم خاڵانە دەخەینە بەرچاوی ڕای گشتی:
1) تۆمەتبار دوای ئەوەی سکاڵای یاسایی لەسەر تۆمارکراوە بە فەرمانی دادوەری لێکۆڵینەوەی ئاسایشی #سلێمانی# دەستگیرکراوە و کەسوکاریشی ئاگاداری دەستگیرکرنی و کاتی هێنانی بۆ بەردەم دادگای لێکۆڵینەوەبوون و خۆشیان لە دادگا ئامادەبوون.
2) هەرکاتێک بە بەڵگەنامەی فەرمیی بۆ دادگا سەلمێنرا کە تەمەنی خوار هەژدە ساڵە، هەواڵەی دادگای لێکۆڵینەوەی نەوجەوانان دەکرێت بۆ تەواوکردنی لێکۆڵینەوە لەگەڵیدا بەپێی یاسا.
3) دوای تەواوبوونی لێکۆڵینەوە دادگا بەپێی بەڵگە یاساییەکانی دەخرێنە بەردەستی بڕیاردەدات بە ئازادکردنی یان هەواڵەکردنی بۆ دادگای تایبەتمەند.
4) دادگا پارێزەری ڕێز و شکۆی هەموو مرۆڤێکە و بەهیچ شێوەیەک لەبەردەم دادگا بێڕێزی و مامەڵەی نادروست لەگەڵ هیچ کەسێک ناکرێت، تەنانەت تۆمەتباریش ڕێز و کەرامەتی پارێزراوە و تەنها بەپێی یاسا هەڵسوکەوتی لەگەڵ دەکرێت تا یەکلابوونەوەی دۆسیەکەی.
سەرۆکایەتی دادگای تێهەڵچونەوەی ناوچەی سلێمانی
#11-12-2018#