نووسینی: پەشێو حەمەد ئەمین
2019
کاتێک کە ئەم ڕۆمانەم نووسی، پێم وا نەبوو پێشوازیەکی لەو جۆرەی لێ بکرێ. چونکە لە کاتێکدا خستمە بازاڕەوە، کە نیشتمان لەو پەڕی نائارامیدا هەناسەی دەدا. هاوکاتیش هیچ سپۆنسەرێکم بۆ نەگرت و تەنیا لە سێ شاریشدا ناساندنم بۆ کرد.
بۆ من گرنگ نەبوو ژمارەی ئەو کەسانەی دەیکڕن چەندن، بەڵکوو ئەوە بۆ من گرنگ بوو کە چۆنن. واتە: ڕۆشنبیریان، ئاستی تێگەیشتنیان، دنیا بینیان.
ئەوەی لێرەدا خۆشحاڵم دەکات ئەوەیە: کە ڕۆژانە خەڵکانێک لە ئاستێکی بەرزادا بە نامە ستایشی ڕۆمانەکەم دەکەن و بۆچونی خۆیانی لەسەر دەڵێن، ئەوە بۆ من شادی هێنەو تینی زیاترم دەداتێ تا بەردەوام بم، سوپاس بۆ هەمووتان. [1]