دار نەرم بێت، کرم دەیخوات
دار ئەگەر تۆکمە و سفت وسۆڵ بێت، کرم و مێروو ناتوانن بەئاسانی لێی بدەن و بیخۆن و بنکەوڵی بکەن، بەڵام ئەگەر دارەکە خۆی کلۆر و گەندەڵ و نەرم بێت ئەوا مێرولە و کرمی لێ دەدات، واتە ئەگەر زاڵ نەبیت بەستەزمان دەبیت و دەوروبەر بەئاسانی پێت دەوێرن، ئەوە بووە بە ئیدیۆمێکی پڕ ئامۆژگاری و لۆمەی کەسێکی پێ دەکرێت کە کەمتەرخەمە بۆیە گرفت و کێشەی بۆ دێتە پێش بۆیە دەوترێت(دار نەرم بێت، کرم دەیخوات).[1]