خۆی بەداود بەگی جاف ناگۆڕێتەوە
داود بەگی فەتاح بەگی جاف(1905-1966) سەرۆک هۆزی جاف بووە، لەسەردەمی پاشایەتی لەسەروبەندی پێکهێنانی پەرلەمانی عێراق دوای کۆچی ناوادەی براکەی(حەمەبەگی فەتاح بەگی جاف) دەبێتە ئەندامی پەرلەمان، ئێران و عێراق هەژماریان بۆکردووە، ساڵی(1959) نێوانی لەگەڵ عەبدولکەریم قاسم تێک دەچێت و شای ئێران پێشوازی لێ دەکات و وڵات بەره و ئێران جێ دەهێڵێت، ئەوە داود بەگی جافه، بووە بەئیدیۆم لە گەرمیان کەسێک خۆی زۆر پێ شت بێت و لە بنەماشدا هیچی تیابەستە نەبێت بەگاڵتە و تەوسەوە پێی دەگوترێت(خۆی بەداود بەگی جاف ناگۆڕێتەوە).[1]