دەقی پرسەنامەکەی مەکتەبی سیاسیی #یەکێتیی نیشتمانیی کوردستان#:
خانەوادە و هەڤاڵانی تێکۆشەر ی دێرین (عەبدوڵا خورشید).
بۆ کۆچی دوایی هەڤاڵ عەبدوڵا لە ناخی دڵمانەوە هاوخەمتانین و پرسە و ماتەمی خۆمانتان پێ ڕادەگەیەنین، کۆچی دوایی هەڤاڵ عەبدوڵا پەژارەیەک بوو لە هەموان کەوت، چونکە ئەو جوامێرێک بوو کە لە هەڕەتی لاوێتیەوە لە ناوچەی باڵەکایەتی لە ناو جوڵانەوەی سیاسی و کوردایەتیدا ڕۆڵی بەرچاوی هەبوە و دواتریش لە ڕاگواستنی گوندەکانی ئەو ناوچەیە بۆ سنوری بادینان هەڤاڵ عەبدوڵا لەگەڵ دانیشتوانی ناوچەکانی بەهدینانیش پەیوەندیەکی تۆکمەی گرێداو و توانی ئەرکەکانی ڕێکخستن بە باشی بەڕێوەببات و لە گەیاندنی پەیامی یەکێتیدا زۆر بوێرانە ئەرکەکانی جێبەجێکردوە تا لە دوا پلەیدا کە ئەندامی مەکتەبی ڕێکخستن بوە هەڤاڵ عەبدوڵاخورشید لە خەباتدا تێکۆشەرێکی لە خۆبوردوبوە. جارێکی تر وێڕای دانەواندنی سەری ڕێز و وەفا لە ئاست ڕۆڵی ئەم کەڵە پیاوە تێکۆشەرەدا، لە یەزدانی مەزن داواکارین ڕۆحی بە بەهەشت بە شاد بکات.
مەکتەبی سیاسی (ی.ن.ک)..[1]
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!