سەراو و دەراوی زۆری تاقیکردۆتەوە
سەرا، شوێنی کارگێڕی و بڕیادەری شار بووە، ئەوانەی لە سەرادا کاردەکەن خاوەن بڕیار و دەستڕۆیشتوون، دەراو، واتە دەربار و دەرگاوانی کۆشک و دیوەخان و حەڕەم سەرای سوڵتان و میر و پاشا و ئاغا و خاوەن دەسەڵات، ئه و مرۆڤانەی ئه و جێگایانەیان زۆر دیتبێت، شارەزا و بە ئەزمون دەبن، چونکە ساردی و گەرمی و ئه و دەرگا و ئه و دەرگایان زۆر بینیووە، بەرزی و پڕشکۆیی و نزمی و نەداری و بێ نمودی زۆریان بینیووە، به و جۆرە کەسانە دەوترێت(سەراو و دەراوی زۆری تاقیکردۆتەوە) هاوشێوەی ئیدیۆمی(دنیا دیدەیە).[1]