دەزگای کلتوری، هونەری و زمان فشاری پۆلیسی لەسەر موزیکژەنە کوردەکان لە کۆڵانەکان و ڕێگریکردن لە موزیکی کوردیان شەرمەزار کرد. چالاکی لە کۆڵانی هونەری #ئامەد# ئەنجامدرا. تەژەئا، کۆمەڵەی کەلتوری و هونەری دیجلە و فورات، ئەکادیمی موزیکی ما موزیک، مەد – دەر، مەبیا – دەر، گوڵستان ئاتاسۆی هاوسەرۆکی #هەدەپە#ی ئامەد و ئەندامانی تەمەمەئۆبە بەشداریان لە چالاکیەکەدا کرد. بە گۆرانی کوردی فشار، ئاستەنگی و قەدەغەکردنی سەر زمان و هونەری کوردی شەرمەزارکرا. چالاکوانان ماوەیەکی درێژ لەبەردەم ئۆتۆمبێلەکان دەستیان بە هەڵپەڕکێ کرد و گەلیش بە چەپڵەلیدان پشتگیری لە چالاکوانان کرد. چالاکیەکە بە دروشمی بێ زمان ژیان نابێت و بە چەپڵەلیدان کۆتییان بە چالاکیەکە هێنا. ناوەندی کەلتوری و هونەری میزۆپۆتامیا لە بەردەم مەدرەسەی زینجیریە بە گۆرانی کوردی هێرشەکەیان شەرمەزار کرد. چالاکوانانی تەژەئا و هەدەپە پشتگیریان لە چالاکیەکە کرد. لە چالاکیەکە ژنان ڕایانگەیاند قەدەغەکان قبوڵ ناکەن. ژنان بە چەپڵەلێدان و هەلهەلەلێدان دەستیان بە هەڵپەڕکێ کرد و گەلیش پشتگیری لە چالاکیەکە کرد.[1]