دەقی پەیامەکەی مەکتەبی سیاسیی #یەکێتیی نیشتمانیی کوردستان#:
بە بۆنەی هاتنەوەی مانگی پیرۆزی ڕەمەزان گەرمترین پیرۆزبایی ئاڕاستەی موسڵمانانی کوردستان و عێراق و جیهان دەکەین، ئومێدەوارین ئەم مانگە پیرۆزە ببێتە مانگی خێر و خۆشی و ئارامیی زیاتر بۆ گەلەکەمان.
هاتنی مانگی ڕەمەزانی ئیمساڵ هاوکاتە لەگەلً هەندێک ڕوداوی ئاڵۆز و قەیرانی سیاسی و ئابووری لە کوردستان وعێراق و جیهان، بۆیە هیواخوازین پشت بە یەزدانی مەزن بە گفتوگۆ و لێکتێگەیشتنی هەموو لایەکمان بتوانین بەگفتوگۆ و لێکتێگەیشتنی زیاتر زاڵ بین بەسەر گشت ئه و کۆسپ و تەگەرانەدا گەلەکەمان بەره و کەناری ئارامی و ئاسایش و خۆشگوزەرانی و تەبایی بەرین.
جارێکی تر هیوا خوازین نزا و پەرستن و گشت سروتەکانی مانگی ڕەمەزانی پیرۆز لە هەموان قبوڵ بێت و خێر و بەرەکەت بە وڵات و گەلەکەمان ببەخشێت.
مەکتەبی سیاسی
یەکێتیی نیشتمانیی کوردستان[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!