بە توندی ئیدانە و سەرکۆنەی ئەو بۆردومانانە دەکەین کە کۆماری ئیسلامی ئێران بۆ سەر ئۆردوگاکانی هاوڵاتیانی ڕۆژهەڵات ئەنجامی دەدەن، کە لە دەرئەنجامیدا بووەتە هۆی شەهید و برینداربوونی ژمارەیەک لە کوردانی ڕۆژهەڵاتی کوردستان.
وێڕای سەرەخۆشیمان لە بنەماڵەی قوربانیان و هیوای هەرچی زووە چاکبوونەوە بۆ بریندارەکان، داواکارین حکومەتی هەرێم و حکومەتی ئیتحادی و نەتەوە یەکگرتوەکان لە ئاست ئەو بۆردومان و پێشێلکارییانە هەڵوێستیان هەبێت و ڕێگابگرن لە ئەگەرەکانی دوبارەبوونەوەی ئەو هێرشانە.[1]
فراکسیۆنی گۆڕان
28-09-2022