گەزیزە، ئەدۆنیس، گوڵی نەورۆزان، چاوە کەڵەشێر
ئەم جۆرە گوڵه بەیەکێک له گوڵه دێمیەکانی دە شتی (#ڕانیه#) و #بیتوێن# دادەنرێت.
لهسەر گرد و تە پۆلکەکان دەڕوێت و گوڵێکی هەشت پەڕی جوان و وردی هەیە، گوڵەکەی (1 تا 2) سانتیمەتردەبێت، پنج دەکات و به زەوی دا خۆی بڵاودەکاتەوە. توانای هەیە تا (40) سانتیمەتر بەرزبێتەوە له زەوی و حەز به زەوی شێدار و نەرم دەکات. له سەرەتای مانگی ڕەشەمێ- شوبات چەکەرە دەکات و لە مانگی نە ورۆزدا- ئادار خۆی ڕێک دەخات و لە مانگی گولان- نیسان دا به جوانی خۆی بڵاودەکاتەوە و گەڵاو لق و چلەکانی بڵاو دەکاتەوە، لە مانگی جۆزەردان- ئاياردا خونچەی گوڵەکانی به تيشکی خۆری بەتین دەکاتەوە و بريسکەی دێت، گوڵەکەی سورێکی تێر باوە و گە ڵاکانی ورديلە و دەرزیلەيی سەوز باوێکی جوان و گەشە، لە ناوچەی دەشتی گردەدێمه تا دەگاتە #بۆسکین# بڵاوبونەتەوە و له دەشتی #گردجان# تا دەگاتە #قەرەنیاغا# و لەوێشەوە بەره و #کانی ماران#، سەروچاوە، #چوارقورنه# بەرچاو دەکەوێت، بەهاران ڕێوی دەیخوات دەیخوات، زگ هێشەیەکی توندی پێ دەگرێت بەڵام نوێ بونەوەیەک لە جەستەیدا ڕوودەدات و فەروەکەی فڕێ دەدات (تولەک دەبێت).[1]