#کەریم قەرەچەتانی#، مامۆستای زانکۆ و پسپۆڕی بواری دەرونزانی لە چاوپێکەوتنێکدا ڕایگەیاند: بەهۆی نەبونی وشیارییەوە لادانی زۆر دروست بووە، لە خوێندنگەی کچان هاوڕەگەزخوازی پەیدا بووە.
باسی لەوەشکرد: سەدان کێشە لە نێوان کوڕ و کچدا پەیدابووە، نازانن خۆشەویستیش بکەن، خودای گەورە کە کەسی لە خۆشەویستی و غەریزەی جنسی بێبەش نەکردووە بەڵام ڕێگەی سرووشتی خۆی هەیە.
ئاماەژی بەوەشکرد: بەڕێوەبەری پۆلیسی یەکێک لە شارەکان پێی وتم هەموو ڕۆژێک 20-25 کچی خوار 18 ساڵ سەردانیان دەکەن و ئاگاداریان دەکەنەوە لەوەی کە بەهۆی ئەوەی ڤیدیۆ یان وێنەی ڕووتی خۆیان بۆ کوڕێک ناردووە، هەڕەشەیان لێدەکرێت.
ئەوەشی خستەڕوو، پێویستە کچان وشیار بکرێنەوە کە جەستەیان موڵکی خۆیانە و نابێت لە ژێر هیچ ناوێکدا مافی ئەوەی نییە ڕەسمی بگرێت و بیدات بە کەسی تر، دەبێت وشیار بکرێتەوە کە ڕێگەی ڕاست و دروستی خۆشەویستی دیارە و کەسێک گوڵێکی خۆش بوێت نایژاکێنێت و ڕێگەی خۆشەویستی لە دەرگاوەیە نەک لە پەنجەرەوە. [1]