بە داخ و پەژارەیەکی زۆرەوە، ئێوارەی ئەمڕۆ چوارشەممە 2ی 11ی 2022، دڵە جوانەکەی مامۆستا #باکووری#، هونەرمەندی دیار و ناوداری کوردستان لە لێدان کەوت و ماڵئاوایی یەکجاری لێ کردین.
بۆ ئەم کۆستەی مامۆستا باکووری، هەموومان خەمبار و تازیەبارین. لە ڕوانگەی وەفا نواندن بەو هەموو خزمەتەی مامۆستا باکووری پێشکەشی نەوەی ڕابردوو و ئێستا و داهاتووی کردووە، تەواوی هونەرمەندان و ڕۆشنبیران و میدیاکاران لە تەواوی کەناڵەکان و و سۆشیال میدیا ئاگادار دەکەینەوە، کە بڕیارە کاتژمێر 10ی بەیانی پێنجشەممە (3ی11ی2022)، مەراسیمێک بۆ بە خاکسپاردنی مامۆستا و هونەرمەند باکووری لە قەزای عەنکاوە لە کڵێسەی (ماریۆحەنا) بەڕێوە بچێت.
لەو مەراسیمەدا ڕێز لە ڕۆحی جوانی مامۆستا دەگیرێ و سرووتی تایبەت بە ماڵئاوایی بۆ دەگێڕدرێ و دواتر بۆ بە خاکسپاردنی بەرەو سەرقەبران بەڕێ دەکرێ. ئامادەبوونی هونەرمەندان لەو مەراسیمە، ڕێزنانە لە ڕۆحێک، کە تەواوی تەمەنی خۆی لە ڕێی خزمەت بە هونەری کوردی و کولتووری پێکەوەژیانی پێکهاتەکانی کوردستان بە سەر برد. [1]
بەڕێوەبەرایەتی گشتیی
ڕۆشنبیری و هونەری #هەولێر#.