دەرەو بېیارۍ
ئەوەنویستەی و دەسکاریکەرڎەی: ئەسعەد ڕەشید
سەرچەمە و ئاوێنە، جە هۊرقۊڵیاو چن هانێوە، نزیکو دەگایەکاو(کەیمنە، بېرواس، هانەگەرمڵە)یۆ سەرچەمە گېرۊن، مەگنا دیمو وەرنیشتو کەشو هۆرامانی، دلۍ شارە دەگاو بېیارېرە ویەرۊن، دمای جیائاستەی دەگایەکاو(بنجۆدڕەی، دەرەقەیسەر، خارگېڵان)ۍ، جە دامانو دەرەو زەڵمیۆ، مجیۊرە ڕۊخانەو دەربەڼیخانی.
دەرەو بېیارۍ، سەرچەمەو ئاوەو تەمامو باخەکانو بېیارېن، هەوای سازگارو دەرەو بېیارېچ فېنکی ئاوەکېن، دیمەنێ زەریفش بەخشان بە شارە دەگاو بېیارۍ، بېیەن بە یاگێ گەشت و گوزاری. وەڵینا واتەن:
ڕېحانم کاڵان، بە دەمەو دارۍ
پەی چەمە سیاوا، دەرەو بېیارۍ.[1]