دەقی پەیامەکەی #قوباد تاڵەبانی#:
بەبۆنەی جەژنی ڕۆژووی ئێزدییانەوە پیرۆزبایی لەخوشک و برایانی ئێزدی لەهەرێمی کوردستان و عێراق و جیهان دەکەم.
هیوادارم ئەم جەژنە بەخێرو خۆشی بکەوێتەوە و ئێزدیان بپارێزێ لە هەمو ناخۆشی و دۆخێکی ناهەموار، و ببێتە دەستپێکی ژیانێکی خۆشگوزەران بۆ ئێزدیان و مرۆڤایەتی بەگشتی لەسەر زەوی.
هەر بەم بۆنەیەوە پەرۆشی و پشتیوانی خۆمان دووپات دەکەینەوە بۆ هەموو ئەو هەوڵانەی دەدرێت بۆ چارەسەرکردنی کێشەی ئاوارە ئێزدییەکان و زامنکردنی ئارامی و سەقامگیریان، لەگەڵ سارێژکردنی ئەو نەهامەتیانەی کەبەهۆی تاقمی تێرۆریستی #داعش#ەوە ڕووبەڕووی بونەوە.
قوباد تاڵەبانی
سەرپەرشتیاری مەکتەبی سکرتاریەتی سەرۆک #مام جەلال#[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!