بەپێى ڕاگەیەندراوێکى بەڕێوەبەرایەتى پۆلیسى #سلێمانى#، دوای ئەوەی هاووڵاتییەک سکاڵای تۆمارکرد لە چەند تۆمەتبارێک بەوەی کە لە هۆتێلێکدا دەستبەسەریان کردووە، مەفرەزەکانی بنکەی پۆلیسی سەرا لێکۆڵینەوەکانیان دەستپێکرد و توانرا چوار تۆمەتبار دەستگیربکەن کە بەڕێوەبەر و کارمەندانی یەکێک لە هۆتێلەکانی ناوشاری سلێمانین.
ئەوەش خراوەتەڕوو، لێکۆڵینەوەکانی پۆلیس بەردوام بوو سەرەنجام دەرکەوت کە ئەو تۆمەتبارانە بێ گەڕانەوە بۆ پۆلیسی سلێمانی و تۆمارکردنی سکاڵا هەستاون سکاڵاکاریان دەستبەسەر کردووە بە هۆکاری نەدانی پارەی کرێی مانەوەیان لە هۆتێلەکە.
هەر لە ڕاگەیەندراوەکەدا هاتوە، لە ئێستادا سەرجەم تۆمەتباران (ا ه ، س ک، ع ن و، س ع ) بە بڕیاری دادوەر ڕاگیراون لێکۆڵینەوەکانی پۆلیسیش ئەوەی ئاشکرا کردووە کە پێشتریش هاووڵاتی تریان لەناو هۆتێلەکە دەستبەسەر کردووە. [1]