دەقی پیرۆزباییەکەی #سەعدی ئەحمەد پیرە#:
بەرێزان سەرنوسەر و میدیاکارانی PUKMEDIA ، لەساڵیادی دامەزراندنی وێب سایتەکەتاندا گەرمترین پیرۆزبایی خۆمتان ئاراستەدەکەم ، ڕێز و خۆشەویستیم بۆ یەکە بە یەکەتان دەردەبڕم
لەماوەی20ساڵی ڕابردوو ئێوە و هەموو ئەوانەشی لەو مێژووە دورودرێژەدا لە ماڵپەرەکەتان کاریانکردوە ، مێژوویەکی پڕشنگدار و زێڕینیان لە کاروانی ڕۆژنامەگەری کوردیدا نەخشاندووە .
ماڵپەری پیوکەی میدیا خاوەن شانازییەکی گەورەیە لە ڕاستی و دروستی ئەو هەواڵ و زانیاریانەی بڵاوی دەکاتەوە بەمەش هەموو بنەماکانی ئیتیکی ڕۆژنامەوانی و کاری میدیایی پڕۆفیشناڵ لە هەواڵ و ڕێپۆرتاژ و سەرجەم ژانرەکانی میدیادا بەروونی ڕەنگی داوەتەوە .
هەر بۆیە بۆتە سەرچاوەیەکی گرنگی باوەڕپێکراوی کوردستان و دەرەوەش ، هیوای سەرکەوتن و بەردەوامی لە کارە ناوازەکانتان بۆ دەخوازم ، دەستی ماندووبوونی یەکە بەیەکەتان دەگووشم ، بەو پەڕی ڕێزەوە هەوڵ و ماندوبوونەکانتان بەرز دەنرخێنم ، جارێکێ تر یادی بیستەمین ساڵەی دامەزراندنی ماڵپەڕە خۆشەویستەکەی پیوکەی میدیا لە خۆمان و هەموو خوێنەران پیرۆزبێت .
براتان
سەعدی ئەحمەد پیرە[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!