ناونیشانی بابەت: شکانی چووک (ئەندامی نێرینە) چییە؟ ئایا بەڕاستی ئەکرێت چووک بشکێت؟
ئامادەکردن: د. #دێراو سەعید عوسمان#
ئەندامی نێرینەی مرۆڤ دوو بۆری شێوە لوولەیی تێدایە کە پێان دەووترێت (corpus cavernosum) وە بە بەرگێک دەورەدراوە و ئەپارێزرێت پێی دەوترێت tunica) albuginea) ، کاتێک کە ئەو دووبۆریە پڕ خوێن دەبن لەکاتی هەوەسبزواندنا ئەوا چووک ڕەق دەبێت.
شکانی چووک بریتییە لە دڕان و تەقینی ئەو بەرگە ، کاتێک چووک لە دۆخی ڕەقیدایە و زەبرێکی دەرەکی بەردەکەوێت و دەنگێکی وەک قرتە یا تەقین دەرەکات بۆیە پێی دەوترێت شکان ئەگینا چووک هیچ ئێسکێکی تێدا نییە.
$نیشانەکان چین:-$
1- بیستنی دەنگێکی وەک تەقاندنی ئێسکی جومگەکان.
2- ئازارێکی زۆر لە چووکدا درووستەبێت.
3- زۆر بەخێرایی ڕەپبوونەکە خاودەبێتەوە.
4- ئاوسان و شین و مۆربوونەوەی چووک کە وەک باینجان دەرەکەوێ.
باوترین هۆکاری شکانی چووکی پیاو، لەکاتی سەرجێی کردنە لە ڕێگەی زێوە، بەهۆی بەرکەوتنێکی توند و لەناکاوی چووکی پیاوەکە بەدەوروبەری زێی هاوسەرەکەی، بەتایبەت ئەگەر ئافرەتەکە بکەوێتە سەر پیاوەکەی.
شکانی چووک بارێکی لەناکاوە، بۆ چارەسەری پێویستی بە نەشتەرگەری هەیە لەلایەن پزیشکی پسپۆڕەوە. [1]