ئامادەکاری بۆ کۆبوونەوەی لوتکەی نێوان پارتی و یەکێتی دەکرێت، بۆ ئەو مەبەستەش چەند پەیوەندییەکی تەلەفۆنی لەنێوان بەرپرسانی ئەو دوو لایەنە ئەنجامدراوە.
دوای ئەوەی باربارا لیڤ یاریدەردەری وەزیری دەرەوەی ئەمریکا بۆ کاروباری ڕۆژهەڵاتی ناوەڕاست لەگەڵ بەرپرسانی پارتی دیموکرات و یەکێتی نیشتمانی کۆبوونەوەی کردووە، هەردوو حیزب ئێستا هاتوونەتە سەر خەت و دەیانەوێت کۆتایی بە کێشەکانی نێوانیان بهێنن.
لەو چوارچێوەیەدا لە ماوەی 48 کاتژمێری ڕابردوو چەند پەیوەندییەکی تەلەفۆنی لەنێوان بەرپرسانی پارتی و یەکێتی ئەنجامدراوە، ئامانج لە پەیوەندییەکانیش بۆ ئەنجامدانی کۆبوونەوەی لوتکەی باڵای نێوان هەردوو حیزبە لە چەند ڕۆژی داهاتوو.
#نێچیرڤان بارزانی# جێگری سەرۆکی پارتی بەجیا لەگەڵ #بافڵ تاڵەبانی# سەرۆکی یەکێتی و #قوباد تاڵەبانی# ئەندامی مەکتەبی سیاسی ئەو حیزبە قسەی کردووە و ئامانجی قسەکانیش بۆ چارەسەرکردنی ئەو کێشانەیە ماوەیەکە لەنێوان هەردوولا هەیە. [1]