#پارتی دیموکراتی کوردستان# و #یەکێتیی نیشتمانیی کوردستان# گڵۆپی سەوزیان بۆ ئەو ڕێککەوتنە هەڵکرد، کە لەنێوان #مەسرور بارزانی# سەرۆکی حکومەتی هەرێمی کوردستان و #قوباد تاڵەبانی# جێگری واژووکرا.
لە کۆبوونەوەی مەکتەبی سیاسی پارتی و یەکێتی، کە لە #سلێمانی# ئەنجامدرا، تاوتوێی ئەو ڕێککەوتنە کراوە لەنێوان سەرۆکی حکومەت و جێگرەکەی واژووکراوە.
لە کۆبوونەوەکە هەردوولا ڕەزامەندییان لەسەر جێبەجێکردنی ڕێککەوتنەکە دەربڕیوە و جەختیشیانکردووەتەوە، وەک حیزب پاڵپشتی ڕێککەوتنەکە دەکەن و دەبێت وەک خۆی جێبەجێبکرێت.
پارتی و یەکێتی باسیان لەوە کردووە، وەک حیزب لەمەولا نابێت دەستوەردان لە کاروباری حکومەت بکەن، بۆ ئەوەی هەریەکە لە مەسرور بارزانی و قوباد تاڵەبانی بتوانن دەسەڵاتەکانیان لە ناوچەکانی خۆیان جێبەجێبکەن و کێشەیان بۆ درووست نەکرێت. [1]