لەکۆبوونەوەکەدا کە ئەمڕۆ ڕێکەوتی #23-05-2023# لە هۆڵی سەعد عەبدوڵڵا لە #هەولێر# بەڕێوەچوو، باڵیۆز و کونسوڵی گشتی بەریتانیا ئامادەی بوون، تیشک خرایە سەر چەند بابەتێکی هەنووکەیی. #قوباد تاڵەبانی# سەردانی خاتوو سۆوفی وەک ئەندامێکی کاریگەریی خێزانی شاهانەی بەریتانیا بۆ هەرێم بە؛ گرنگ وەسف کرد.
پرسی مافی ژنان و ڕووبەڕووبوونەوەی توندوتیژی خێزانی یەکێک بوو لەو تەوەرانەی باس کران، قوباد تاڵەبانی جەختیکردەوە کە؛ لەگەڵ ڕێکخراوەکانی کۆمەڵی مەدەنی و لایەنە پەیوەندیدارەکان هەنگاوی باشیان ناوە بە ئاڕاستەی بڵاوکردنەوەی هۆشیاری و نەهێشتنی توندوتیژی لە هەرێمی کوردستان، هەروەها ئاماژەی بەوە کرد کە هەوڵەکانمان تەنیا بۆ بنبڕکردنی توندوتیژی دژ بە ژنان و خێزان نییە، بەڵکوو کارمان بۆ ئەوە کردووە کە پەرە بەتوانای گەنجان و ژنان بدەین بۆ ئەوەی ببنە بەشێکی کاریگەرتر لە کۆمەڵگەدا.
هەروەها باس لە گرنگیی چارەسەری دەروونی بۆ ئەو کەسانەی لە جەنگ و کارەساتەکان ڕزگاریان بووە کرا و لەوبارەیەوە باس لە چۆنییەتی کەڵک وەرگرتن لە ئەزموونی بەریتانیا کرا؛ قوباد تاڵەبانی داوای کرد هاوکارمان بن چونکە لە هەرێمی کوردستان پێداویستییەکی زۆری لەو ڕووەوە هەیە. [1]