#بافڵ تاڵەبانی#، سەرۆکی یەکێتی نیشتمانی دەرگایەکی تری بۆ نزیکەکانی #لاهور شێخ جەنگی# کردووەتەوە، ئەوەش لەپێناوی گەڕانەوەیان بۆ ناو حیزبەکە.
بافڵ تاڵەبانی لە چوارچێوەی هەوڵەکانی بۆ ئاشتەوایی گشتی لەناو یەکێتی، چەند کەسێکی ڕاسپاردووە، بۆ ئەوەی قسە لەگەڵ کەسە نزیکەکانی لاهور شێخ جەنگی بکەن، تا ڕازی بن بە گەڕانەوە بۆ ناو ڕیزەکانی یەکێتی.
ئەو کەسانەی لەلایەن بافڵ تاڵەبانی ڕاسپێراون، پێشتر کەسی نزیکی لاهور شێخ جەنگی بوون و دەیەوێت سوودیان لێ وەربگرێت، بۆ گێڕانەوەی ئەو کەسانەی تر ئێستا بە دەورەی لاهور شێخ جەنگییەوەن.
بافڵ تاڵەبانی پێشنیازی پۆست و پێدانی ئیمتیازات و تەنانەت ڕێگەدان بە خۆکاندیدکردنیان لە کاتی هەڵبژاردنەکان لەسەر لیستی یەکێتی، بۆ ئەوەی لەو ڕێگەیەوە جەماوەری نزیکی لاهور شێخ جەنگی دەنگ بەو کەسانە بدەن و زۆرترین دەنگ کۆبکەنەوە. [1]