پارتی لە نووسراوێکدا، بڵاوکردنەوەی وێنەی کەسی و چالاکی و کۆبوونەوەکان و لێدوان لە کادیرانی قەدەغە دەکات.
بەپێی نووسراوێک کە لەلایەن سەرۆکی پارتییەوە بۆ مەکتەبی سیاسی حزبەکە نێردراوە، داوا لە بەرپرسانی حزبەکە لە حکومەت و پەڕڵەمان و ئەندامانی سەرکردایەتی کراوە کە دەبێت لێدوان و نووسین و دەربڕینی هەڵوێستەکانیان بە پێی پلان و بە هەماهەنگی لەگەڵ بۆردی سەرپەرشتی و ڕاوێژکاری ڕاگەیاندن بێت و لە خزمەت بەرژەوەندییەکانی پارتی بێت.
لە نووسراوەکەدا هاتووە، پێویستە هەڤاڵانی سەرکردایەتی و کادیرە پێشکەوتووەکان و بەرپرسانی حکومی و ئەندام پەڕڵەمانەکانی پارتی خۆیان لە بڵاوکردنەوەی وێنەی خۆیان و چالاکی و کۆبوونەوەکانیان بەدور بگرن.
باس لە ئەوەش کراوە، هەر هەڤاڵێکی پارتی لە سۆشیال میدیا و ڕاگەیاندن ڕەفتار و دەربڕینێکی وا نیشان بدات کە زیان بە ناوبانگی پارتی بگەیەنێت، لێپرسینەوەی لەگەڵ دەکرێت. [1]