ناونیشانی بابەت: گۆڕانکارییەکانی جەستە لە دوای منداڵبوون
ئامادەکردن: د. #کەژان کاوە تەها#
لە دوای منداڵبوون کۆمەڵێک گۆرانکاری بەسەر جەستەی خانمەکەدا دێت و ڕووبەڕووی دەبێتەوە لەوانە:-
- هەبوونی خوێن بۆ چەن هەفتەیەک.
- وادەردەکەوێت کە هێشتا دووگیان بیت، چونکە منداڵدان کاتی پێویستە بۆ گەڕانەوەی بۆ قەبارەی پێش منداڵبوون.
- قەبزی، بەتایبەت ئەگەر لە منداڵبوونەکەدا دەرزی پشت بەکارهێنرابێت.
- مایەسیری بەهۆی زۆری و بەهێزی زەخت کردن لەکاتی منداڵبوون.
- تێربوونی ڕەنگی ناوچەی زێ.
- ئارەقکردنەوەی شەوانە بەهۆی گۆرانکاری لە ڕێژەی هۆرمۆنەکان.
- ڕەقبوونی سنگ.
- قژ ڕووتانەوە.
- وشکبوونی پێست و درووستبوونی زیپکە و خەتی کشانی سک.
- گۆرانی باری دەروونی و تووشبوون بە خەمۆکی دوای منداڵبوون. [1]