#یەکێتیی نیشتمانیی کوردستان# لە لێدوانەکانی ئەم دواییەی #کەمال کەرکووکی# ئەندامی مەکتەبی سیاسی #پارتی دیموکراتی کوردستان# نیگەرانە و لەو بارەشەوە داوای ڕوونکردنەوەی لە بەرپرسانی ئەو حیزبە کردووە.
بەرپرسانی ئەو حیزبە نیگەرانن لە هەڵوێست و لێدوانەکانی ئەم دواییەی کەمال کەرکووکی.
مەکتەبی ڕاگەیاندنی یەکێتی چەند ڕاپۆرت و بابەتێکی وەک وەڵام بۆ قسە و لێدوانەکانی کەمال کەرکووکی ئامادەکردووە و چاوەڕێی وەڵامی مەکتەبی سیاسییە بۆ بڵاوکردنەوەی ئەو ڕاپۆرت و بابەتانە.
یەکێتی بە فەرمی داوای ڕوونکردنەوەیان لە مەکتەبی سیاسی پارتی و ڕاگرتنی قسەکانی کەمال کەرکووکی کردووە، ئەگەر بەزوویی وەڵامنەدرێنەوە، ئەوە دەست بەهێرشی میدیایی بۆ سەر ناوبراو دەکەن. [1]