ئەو گفتوگۆیەی لەنێوان #یەکێتیی نیشتمانی کوردستان# و #پارتی دیموکراتی کوردستان# بەڕێوەدەچێت ئامانجەکەی گەیشتنە بە ڕێککەوتنێکی نوێ لەنێوان ئەو دوو حیزبە.
دواین کۆبوونەوەی نێوان پارتی و یەکێتی ڕۆژی دووشەممە ڕێکەوتی #13-11-2023# لەنێوان #مەسرور بارزانی# جێگری سەرۆکی پارتی و #بافڵ تاڵەبانی# سەرۆکی یەکێتی لە #پیرمام# بەڕێوەچوو، ئەو کۆبوونەوەیە بۆ درێژەپێدانی گفتوگۆکانی نێوانیان بووە، کە تایبەتە بە واژووکردنی ڕێککەوتنێکی نوێ لەنێوان هەردوولا، ئەگەر بگەنە ئەنجام.
پارتی و یەکێتی دەیانەوێت بە ڕێککەوتنێکی نوێ کۆتایی بە کێشەکانیان بهێنن، کە چەند ساڵێکە بەردەوامی هەیە و دەشیانەوێت هەر ئەو ڕێککەوتنە بکەنە جێگرەوەیەک بۆ ڕێککەوتنی ستراتیژی نێوانیان، کە ساڵانێکە کاری پێناکرێت.
زانیارییەکان باس لەوەش دەکەن، هەردوولا ئامادەییان نیشانداوە بۆ ئەنجامدانی ئەو ڕێککەوتنە، بەڵام ئەنجامەکەی ماوەتە سەر گفتوگۆکان، تا چەندێک دەگەنە ڕێککەوتنی کۆتایی، یان لە هەوڵەکانیان بێ ئەنجامدەبن. [1]