بەشێک لەو کەسانەی ڕۆژانە کاری زۆر دەکەن و پێویستیان بە وزەیە، لە ڕێگەی خواردنەوە وزەبەخشەکان هەوڵدەدەن وزە بەدەستبهێنن، بەڵام ئەو خواردنەوانە زیانی زۆر بە تەندرووستی دەگەیەنن و مرۆڤ تووشی شەکەتی دەکەن.
=KTML_Bold=ئەگەر ڕۆژانە پێویستت بە وزەی زۆرە، بایەخ بەم خواردنانە بدە.=KTML_End=

=KTML_Bold=1. مۆز=KTML_End=
سەرچاوەیەکی دەوڵەمەندە بە کاربۆهیدرات و پۆتاسیۆم، گرژی ماسوولکەکان ناهێڵێت و بەخێرایی وزەی جەستە زیاد دەکات، دەتوانیت پێش ئەنجامدانی کارەکانی ڕۆژانە یان پێش وەرزشکردن بیخۆیت.
=KTML_Bold=2. شەربەتی چەوەندەر=KTML_End=
بەهۆی بەرزی ڕێژەی کاربۆهیدرات تێیدا بۆ ماوەیەکی زۆر وزەت پێدەدات، هەروەها دژە ئۆکسان و دژە هەوکردنە، بەسوودە بۆ دەمارەکانی لەش و پەستانی خوێن نزم دەکاتەوە، یارمەتیدەرە بڕێکی زۆر لە ئۆکسجین بۆ خوێن بڕوات.
=KTML_Bold=3. شۆفان=KTML_End=
هەڵبژاردنێکی باشە پێش وەرزشکردن بیخۆیت، دەتوانیت لەگەڵ هەنگوین بیخۆیت، بۆ ئەوەی وزەیەکی زۆرترت پێبدات.
=KTML_Bold=4. پەتاتەی شیرین=KTML_End=
ڕیشاڵ و ڤیتامینی زۆری تێدایە، جەستە لە تەمەڵی ڕزگار دەکات، هەروەها ماسوولکەکانی جەستە خاو دەکاتەوە.
=KTML_Bold=5. سەلەمون=KTML_End=
ترشە چەوری و ئۆمێگا-3ی تێدایە، هەوکردن کەمدەکاتەوە، چالاکت دەکات.
=KTML_Bold=6. چەرەسات=KTML_End=
وەکو گوێز، بادەم، تۆوی کەتان و چیا، چەوری تەندرووستیان تێدایە، بۆ ماوەیەکی زۆر وزەت پێدەبەخشن.
=KTML_Bold=7. سەوزە گەڵاتۆخەکان=KTML_End=
وەکو سپێناخ، کەلەرم و برۆکلی، دەوڵەمەندن بە ماددەی خۆراکی، تەواوی ڕۆژەکە وزەت پێدەدەن و لە شەکەتی ڕزگارت دەکەن. [1]