لە درێژەی ئەنجام دانی یارییە دۆستانەکانی، تیپی تۆپی پێی یانەی پێشمەرگە لەسەر یاریگەی خۆیدا میوانداری لە یانەی مەسافی کرد.
کاتژمێر 2:30 خولەکی پاش نیوەڕۆی ڕۆژی پێنجشەممە #16-11-2023# و لەسەر یاریگەی فەرماندەیی تایبەت بە یانەی پێشمەرگە هەردوو تیپی تۆپی پێی یانەی پێشمەرگەی خاوەن یاریگە و مەسافی بە یارییەکی دۆستانەی ئامادەکاری بۆ خولی پلە نایابی یانەکانی ئێراق ڕووبەڕووی یەک بوونەوە.
لەو یارییەدا و دوایی پیشان دانی ئاستێکی بەرز لەلایەن یاریزانانی هەردوو تیم و چەندین گۆڕانکاری ڕاهێنەرانیان دواجار بە گۆڵێک یەکسان بوون.
یانەی پێشمەرگە لە کۆتا ئامادەکارییەکانی بۆ بەشداری لە وەرزی (2023-2024)ی خولی نایابی یانەکانی ئێراق نزیک دەبێتەوە کە بڕیارە ئەو خولە لە ڕێکەوتی #25-11-2023# دەست پێبکات و 24 یانە تێیدا بەشداری دەکات. [1]