عاشقو فەرهەنگ و زوانی هۆرامی
ماچۊ ئاشق ئانەنە کە گېیانش ڕاو مەعشووقیش فەدا کەرۊ. من ماچوو ئاشق ئا کەسەنە جە وجووڎوو وېش و جە ماڵوو وېش پەی دڵوەشی مەعشووقیش ویەرۆ. من ئەجۊم ئی جۊرە ئاشقێ فرە کەمێنێ چوون ماڵ، وەشەویسا. من کەسایەتیێوی مژناسوو کە تەماموو شەرایێتا و فاکتاو ئاشقێوی وێ وېیەرڎەیش هەنێ. ئاشقوو وەڵاتیش و ئاشقوو زوانیش.
ئی کەسایەتیە کەسېو نېیا بێجگە ئازیز و وەشەسیا کاکە (ساڵح ڕەسووڵی) کە بە ڕاسی چنها ساڵێن تەماموو وجووڎوو وېش (بە یانە و ماڵ و سامانشەو) نیانشەرە پەی خزمەت بە فەرهەنگ و ئەدبوو هۆرامانی. ئێنسانێ چێمنێ دلێ کۊمەڵگای بە تایبەت فەرهەنگیەنە فرەفرە کەمێنێ.
من پېسەو نویسەرێوو هۆرامانی و پېسەو مودیروو مۆئەسێسێوی فەرهەنگی کە وېم مدیۆنوو مێهرەبانیاو ئی ئازیزیە مزانوو، بە ئەوپەڕوو ئێخلاسیەو سەرەو حورمەتیش پەی نامنوەرە و ئاواتم ئانەن نموونېش زیاڎێ با.
ئیبراهیم شەمس.[1]