کورد دلۍ چەرخەکا تاریخینە
بەشۍ: حەفتا و چوارەمە
نویستەی: #هاوڕێ باخەوان#
ساڵەو (1185ز): سەردەمو خەلافەتو ناسرلدینوڵلاینە، مېیانو کورد و تورکی ڕوەو خراپی لوان، ئانەیچ مەڵامەتێ بېیەن پەی خېزیای شۆڕشێ نیشتیمانی دلۍ سووریا و کوردەسان و ئازەربایجانینە، کە نزیکەو دۋۍ ساڵاش خواینان، دمای ئانەیە پێمانێ ئاشتی مېیانشانە بەسیان، بەڵام ئڼەش نەخواینان جەنگ دەسش پەنەکەردەنۆ و بە زەرەرو کوردی مەڕیانۆ، کورد دلۍ چن ناوچێوەنە پېسە سووریا و کیلیکیا و ئەدەنەی پاکشېش کەردېنە. هەر ئەچی ساڵېنە جەنگێ میللی مېیانو کوردی و تورکی دەسش پەنەکەردەن.
ساڵەو (1187ز): ئینە ساڵێ تاریخیەنە پەی دنیێ و پەی موسوڵمانەکا، ئەچی ساڵېنە سەلاحەدینی ئەیوبی قودسش ڕزگار کەردەن.
تاریخو (21-02-1193ز): سەلەحەدینی ئەیوبی ئەچی تاریخەنە نەوەش کۆتەن.
تاریخو (04-03-1193ز) : ئەچی تاریخەنە سەلاحەدینی ئەیوبی کۊچی دمایینش کەردەن.
ساڵەو (1198ز): دەسەڵاتو شەددادییەکا جە ناوچەو ئەریوانی ۋڕان.
ساڵەو (1200ز): ئەچی سەدۆ تاکو سەدەو نۊزڎەهەمی دلۍ شارو بەدلیسینە (21) پردۍ تەۋەنینېش چەنەبیېنۍ، بازرگانەکۍ وەرکۆتی و وەرنیشتی سەرشارە ۋیەردېنۍ، یوە چا پردا نامېش (بەردە کون) بېیەن. هەر ئەچی ساڵېنە قەراقۆش – بەهادین عەبدوڵلا، کە بڕێ ماچان برازاو سەلاحەدینی ئەیوبی بېیەن کۊچی دمایینش کەردەن.
ئەسعەد ڕەشید.[1]